محافظ جنوب سيناء: السياح في شرم الشيخ لا يرغبون في العودة إلى بلادهم
محافظ جنوب سيناء: السياح في شرم الشيخ لا يرغبون في العودة إلى بلادهم
- خالد فودة
- جنوب سيناء
- شرم الشيخ
- ten
- كورونا
- فيروس كورونا
- خالد فودة
- جنوب سيناء
- شرم الشيخ
- ten
- كورونا
- فيروس كورونا
قال اللواء خالد فودة، محافظ جنوب سيناء، إن الأمور تسير في شرم الشيخ بكل سلاسة، ولا صحة لمغادرة السائحين لها، مشيرًا إلى أن مغادري المدينة هم قط من انتهت فترت إجازتهم.
وأضاف المحافظ خلال مداخلة هاتفية بالفقرة الإخبارية بشاشة "ten"، أن بعض السائحين يمدون إقامتهم في المدينة، ولا يرغبون في العودة إلى بلادهم في الوقت الحالي، "الناس بتمد إجازاتها ومبسوطة بالتواجد في شرم الشيخ، ومنقدرش نقولهم امشوا، لكن لو فضلوا لحد يوم الخميس اللي هتقف فيه حركة الطيران، فساعتها محدش هينقلهم برا مصر وهيفضلوا موجودين".
وتابع: "بعض المغردين بيحاولوا يصطادوا في المياه العكرة، وبيقولوا إن شرم الشيخ مقفولة، شرم الشيخ مظهرش فها غير حالة واحدة فقط، ورحلت إلى الإسماعيلية، ومفيش أي حاجة، والمدينة عايشة مظبوط، والناس صعبان عليها المدينة تبقى بالمنظر دا".
واستطرد أن وزارة الصحة وجهت باتخاذ إجراءات احترازية للعاملين بالفنادق، "المطلوب إن بعد آخر سائح مايمشي إنهم يقعدوا 14 يوم تحت المراقبة، والناس فهمتها إن الناس اللي في مدينة شرم الشيخ كلها هتقعد 14 يوما، ودا مش صحيح".
وتساءل: "إزاي واحد ملوش علاقة بالسياح هيقعد في المدينة، يعني واحد بيشتغل في الأسواق هيقعد ليه، بيستغلوا الفرصة، وطلعت بيان أكدت فيه إن الطيران الداخلي يعمل بصورة طبيعية، واللي عايز ييجي أهلا وسهلا، والطرق البرية والنفق مفتوحين، وقرار الوضع تحت المراقبة خاص بالعاملين في السياحة المخالطين للأجانب".
وتابع متهكمًا: "شرم الشيخ عايزه جيش عشان يعزلها، والمدينة كان فيها 40 ألف شخص، ومعنديش غير حالة واحدة إصابة ودا كويس".
