"سهير" عملت بخاخات كلور ووزعتها على الباعة فى سوق إمبابة

استجابت سهير سيد لإجراءات الوقاية التى نصح بها الأطباء، لتجنُّب الإصابة بفيروس كورونا، ليس فقط داخل منزلها بل على مستوى سوق الخضار فى منطقة إمبابة، حيث جهزت بخاخات للمياه والكلور، وقامت بتوزيعها على تجار الخضار والفاكهة داخل السوق، من أجل مساعدتهم للوقاية من المرض وتطهير سلعهم.

اشترت «سهير» 20 بخاخة وعقَّمتها جيداً، ثم قامت بتعبئتها بالمياه والكلور، وتجولت بها فى شوارع وسوق إمبابة لتوزيعها على تجار الخضار والفاكهة، كما وزعت قفازات بلاستيكية، ليرتدوها أثناء إمساكهم بحبات الخضار والفاكهة حتى لا يكونوا مصدراً لنقل العدوى: «إحنا فى وقت صعب جداً وكلنا لازم نساعد بعض، أصريت إنى أعمل كده عشان أنشر التوعية بين التجار نفسهم وجيرانى بالمنطقة عشان ياخدوا بالهم إن الموضوع مش بسيط، ولازم كلنا نلتزم بالمطهرات ونعمل اللى علينا ونهتم بالنظافة الشخصية والأكل اللى بناكله».

بعد انتهائها من توزيع هذه البخاخات، تحرص «سهير» على استكمال هذا الدور الذى قامت به خلال الفترة المقبلة: «كل يومين هنزل أشترى بخاخات وأجهزها وأوزعها على بتوع الخضار، وبعدين هروح لأصحاب المحلات الصغيرة عشان أوزع عليهم، وبالطريقة دى ننشر ثقافة الاهتمام بالنظافة الشخصية، وتعقيم كل أدواتنا».

• كورونا
• فيروس كورونا
• مياه بالكلور
• مطهرات
• عدوي
• نقل العدوي
• كورونا
• فيروس كورونا
• مياه بالكلور
• مطهرات
• عدوي
• نقل العدوي