أحمد يونس: ابني غير حياتي.. ويوميا يعملي عملية ويوديني مستشفى المجانين
أحمد يونس: ابني غير حياتي.. ويوميا يعملي عملية ويوديني مستشفى المجانين
قال الإعلامي والإذاعي أحمد يونس، إن نجله معز، هو من حجم حياته، وغير كل ما فيها.
وعن تسمية ابنته بـ"لوساندا"، قال يونس خلال استضافته ببرنامج "معكم"، الذي تقدمه الإعلامية منى الشاذلي، على شاشة "cbc": "مراتي كانت عايزه تسميها كارما، بس أنا ديكتاتور جدا، ومعنى الاسم وجه القمر".
وأضاف: "من أول معرفت إن مراتي حامل في ابني معز، وأنا اتجننت، كنت حاسس إن فيه حاجة جايه بتاعتي، وكل يوم هو بيكبر نظرتي للدنيا بتتغير بسببه، تفكيري واهتماماتي، لدرجة إني وصلت لمرحلة إن لو فيه حاجة ليا بتنازل عنها وأقول هو أولى".
وتابع: "مش بعامل ابني زي معاملة أبويا ليا، لأن الفرق في العمر بيني وبين والدي كان كبير، وكان فيه فجوة في التفكير، وطول عمري بقول إني هخلف وأنزل لسن ابني على قد مقدر، لأني مش حابب يبقى فيه فرق في التفكير بس للأسف نزلت زيادة عن اللزوم، ووصلت لاتفه مما حد يتخيل".
واستطرد ضاحكا: "ابني عنده مزاج يوميا يعملي عملية جراحية وينيمني على السرير ويقوم يفتح بطني ويستأصل حجات ويشيل ويقولي دا بايظ هنغيره، وفي الآخر يوديني مستشفى المجانين ويقولي أنت تستحق تروح مستشفى المجانين".
