الصيدليات: "نواقص في المطهرات والكمامات"
الصيدليات: "نواقص في المطهرات والكمامات"
- فيروس كورونا
- كورونا
- المنظفات
- المستشفيات
- الصيدليات
- محلات النظافة
- كمامات
- فيروس كورونا
- كورونا
- المنظفات
- المستشفيات
- الصيدليات
- محلات النظافة
- كمامات
«الكمامة كانت بجنيه، دلوقتى بقت بـ٤ جنيه، واحتمال سعرها يزيد الفترة الجاية».. بهذه العبارة بدأت مارينا حنا، تعمل بإحدى الصيدليات الشهيرة بمنطقة الدقى، حديثها، مؤكدة إقبال المواطنين على شراء الصابون بأنواعه المختلفة لمكافحة انتشار العدوى: «الديتول هو أكتر حاجة الناس بتيجى تشتريها، سواء الصابون القطع أو السائل»، مضيفة أن صابون الديتول القطع يتراوح سعره ما بين ٨ جنيهات للحجم الصغير، و١٤ جنيهاً للحجم الكبير.
وتابعت أنه مع بداية الفصل الدراسى الثانى، أصبح الإقبال على المواد المطهرة والمكافحة للعدوى كبيراً جداً، حيث إن تخوف المواطنين من فيروس «كورونا»، جعلهم يتوجهون إلى الصيدليات، كى يأخذوا احتياطاتهم الصحية: «فيه نوع تانى من الصابون المطهر، غير الديتول، عليه إقبال برضه، وسعره بيبدأ من ٧ جنيه لحد ١٥ جنيه». وأشارت «مارينا» إلى رواج شراء المناديل المبللة، بجميع أنواعها، إذ يستخدمها الأفراد بديلاً عن الماء والصابون: «الوايبس كمان الناس بقت تيجى تطلبه لولادها إللى فى المدرسة، وبتشتريه لنفسها كمان، لأنه بيغنى عن غسل الإيدين، خصوصاً لو الواحد فى مشوار، ومفيش إمكانية إنه يطهّر نفسه».
محمد توفيق، ٤٠ عاماً، صيدلى بمنطقة المهندسين، يقول إن الـ«هاند جل» بأنواعه المختلفة هو الأكثر مبيعاً داخل الصيدلية: «الديتول أشهر حاجة الناس بتيجى تشتريها، سواء السائل أو الجل أو الوايبس»، مضيفاً أن أسعار «الهاند جل» الـ٥٠ مللى تسجل ٢٥ جنيهاً، والمناديل المبللة تبدأ من ١٩ جنيهاً حتى ٥٥ جنيهاً. وتابع أن الإسبراى حجم ٣٠٠ مللى سعره ٧٠ جنيهاً، مشيراً إلى أنه لا يوجد نقص فى مستلزمات مكافحة العدوى، ولكن هناك نقصاً فى كمية الكمامات المعروضة داخل الصيدليات، وذلك نتيجة لزيادة الطلب عليها: «الكمامة كانت بتتباع بـ٢ جنيه، دلوقتى وصل سعرها فى بعض الأماكن لـ١٠ جنيه». وأوضح «توفيق» أن هناك إقبالاً أيضاً على الأنواع المختلفة من الكحوليات، التى تتراوح ما بين ٢٠ جنيهاً و٢٥ جنيهاً: «ما زال الإقبال مقتصراً على الأطفال والمسافرين لدول الخليج، لكن مش كل الناس عندها وعى بأهمية مستلزمات مكافحة العدوى».
ويؤكد محمد علاء، ٣١ عاماً، صيدلى بمنطقة شبرا الخيمة، نقص الكميات المتوفرة من المواد المطهرة والكحوليات، وذلك ناتج عن زيادة استهلاك الأفراد لهم، خاصة خلال الشهور القليلة الماضية، مضيفاً: «الإقبال كبير على المطهرات الجل، والكحوليات، ودى أسعارها بتختلف على حسب النوع والحجم، يعنى فيه أنواع تبدأ من ١٥ حتى ٣٠ جنيه». وأشار «محمد» إلى أن المواد المكافحة للعدوى، لم تشهد رواجاً إلا فى حين ظهور فيروس جديد، إنما فى الوضع العادى، لا ينتبه أحد لشرائها، «طول ما الدنيا كويسة ماحدش بيعقَّم ولا بيطهَّر نفسه أو بيته، لكن الخوف من العدوى هو إللى بيخلى الناس تشترى، ووقت ما الفيروس يختفى، هيختفى معاه الإقبال».
