حمو بيكا: خلونا تحت عنيكيم.. والمصحف بقفل أي محتوى خارج على "يوتيوب"
حمو بيكا: خلونا تحت عنيكيم.. والمصحف بقفل أي محتوى خارج على "يوتيوب"
قال حمو بيكا مغني المهرجانات، إن حب الناس كان سببا فيما وصلوا إليه، مؤكدا: "أنا راجل شقيت وتعبت من صغري ياما".
وأضاف بيكا، في مداخلته الهاتفية مع برنامج "القاهرة الآن"، الذي تقدمه الإعلامية لميس الحديدي، في فقرة خاصة عن أغاني المهرجانات، "أنا قلت لحلمي عبدالباقي ضمونا ليكم وعمرنا ماهنطلع لفظ خارج، وفيه مهرجانات صحيح فيها كلمات خارجة لكن عمره يمتد إلى 3 سنوات، وحاليا أقوم بإغلاق هذا المحتوى من على يوتيوب".
وتابع: "أنا دلوقتي فيه طفل وبيوت بتسمعني ماينفعش أطلع لفظ خارج.. ومنعي مش حل إنت كده بتقلي انطلق واعمل اللي أنت عاوزه مش اللايف هوا اللي هيأكلني عيش.. لو سمحتم خدونا تحت عينيكم.. والمصحف والمصحف أنا بقفل دلوقتي أي محتوى ليا على يوتيوب أو الساوند كلاود فيه كلام خارج حتى لو نازل في أي قناة تانية بقفلها".
واختتم تصريحاته: "والنبي يا أستاذ حلمي عبدالباقي خدني تحت باطك ومشيني على قوانينيك بس أنا بحب الغنا".
