محمد رمضان: خلي الطيار ياخد الـ 9 مليون جنيه من السوشيال ميديا
محمد رمضان: خلي الطيار ياخد الـ 9 مليون جنيه من السوشيال ميديا
قال الفنان محمد رمضان، إنه فور صدور قرار بسحب رخصة الطيار أشرف أبو اليسر مدى الحياة جاء لمكتبه ولم يكن متواجدًا فيه، موضحًا أن الطيار جلس مع المحاسب بمكتبه وتحدث معه عن تعويضات تصل لـ 9 ملايين جنيه، وإلا سيلجأ للسوشيال ميديا، "الطريقة دي معجبتنش".
وأضاف "رمضان"، خلال حواره في برنامج "التاسعة مساء"، مع الإعلامي وائل الإبراشي، على شاشة "التليفزيون المصري": "ممكن واحد ياخد عيني بالحب بس مش بالأسلوب ده، كان ردي على المحاسب إن خليه يروح ياخد الـ 9 مليون جنيه من السوشيال ميديا".
وتابع: "أنا مدفعش جنيه بدون وجه حق، خد عيني، وفلوسي كلها تحت رجل أي محتاج سواء حد أعرفه ولا ما أعرفوش، بس أنا ما أدفعش 10 جنيه بدون وجه حق، الطيار اتجه للسوشيال ميديا وقال أنا ما طلبتش 9 ونص مليون جنيه، طب إزاي والدعوة القضائية اللي رفعها طالب فيها 25 مليون جنيه؟ هو قال ماطلبتش فلوس".
