زوج شيماء سيف عن مقالبها في المنزل: "علاقة زوجية هتنتهي بصرع"
زوج شيماء سيف عن مقالبها في المنزل: "علاقة زوجية هتنتهي بصرع"
حكى محمد كارتر، زوج الفنانة شيماء سيف، كيف قضى مع زوجته عيد الحب، مؤكدا أن زوجته "كسرت كل معايير الدنيا".
وقال كارتر، خلال مداخلة هاتفية ببرنامج "مساء dmc" الذي يقدمه الإعلامي رامي رضوان على شاشة "dmc": "أوهمتني إنها بتصور ومشغولة وفي العادي كل سنة أنا اللي بجيب هدايا وبرتب لليوم دا، بس المرة دي قلت أسيبها هي عشان لو عايزة تعمل حاجة أول يوم ولو هتأجل لتاني يوم يبقى هادينا بعض في نفس الوقت".
وأضاف: "وأنا راجع من الشغل لقيتها بتكلمني بتقولي أنا تعبانة وعايزة أنام، عشان أصحى بدري، وبعدتني تماما عن التفكير في إنها عاملة أي مفاجأة أو شيء خاص بعيد الحب، وبفتح باب البيت ودخلت لقيت البيت حاجة تانية".
وتابع: "البيت كان مليان شموع في الأرض وبلالين وأسامي وحروف وتورته حمرا ولبس أحمر"، وأضاف ضاحكا: "حبيت الفلانتين اليوم دا".
وعن المقالب التي يرتبها كل منها للآخر أشار إلى أنه يشعر "بالقهر"، لأن المقالب التي يصورها لا تسمح له أن ينشرها.
وعن أحد المقالب التي أتعبته: "كنت بحلم إني بموت وبتحاسب، وديما لو نايم وحد عدى من جنبي أو من قدام باب الأوضة بصحى عشان نومي خفيف، وجسمي كله اتكهرب والخضة نيمتني تاني"، ليضيف ضاحكا: "هي علاقة زوجية هتنتهي بصرع أنا عارف".
