هوجة المهرجانات.. "كزبرة" يوضح حقيقة امتلاكه 40 مليون جنيه
هوجة المهرجانات.. "كزبرة" يوضح حقيقة امتلاكه 40 مليون جنيه
استنكر مغني المهرجانات الشهير بـ"كزبرة"، الانتقادات التي تطاله من بعض مستخدمي مواقع التواصل الاجتماعي "فيس بوك"، حيث قال "كل ما افتح يقولوا كزبرة وحنجرة بيلعبوا في العشرة مليون جنيه والأسبوع بتاعهم بيقبضوا فيه كام".
وأضاف في مقطع فيديو بثه عبر صفحته بموقع "فيس بوك": "إحنا يا صاحبي على الله، الكلام ده من قلبي، إحنا مش معانا حاجة، أنا راجل عندي دوالي في رجلي من الوقفة، وصاحبي حنجرة شغال على أوبر، يعني حالته تصعب على الكافر".
وتابع: "أنا بدور على بنزينه أشتغل فيها، أول ما حد يتوقف من مغني المهرجانات يقولوا وكزبرة معاه، يعني وقف حمو بيكا يقولوا وكزبرة وحنجرة، قرار وقف حسن شاكوش يقولوا وكزبرة وحنجرة، إيه يا جدعان هو فيه إيه، أنا راجل بحب أهزر وأضحك، أنا لا بأذي حد ولا حد يؤذيني، أنا مش معترض على أي قرار".
وواصل: "اعتراضي فقط على الناس اللي بتقول عليا معايا 40 مليون و30 مليون جنيه، طب بذمتكم، ده منظر واحد معاه 10 مليون جنيه، ده وش بني آدم معاه مليون جنيه".
