هاني شاكر: أوقفنا فكرة احتضان مطربي المهرجانات بالنقابة "مش هيشتغلوا"
هاني شاكر: أوقفنا فكرة احتضان مطربي المهرجانات بالنقابة "مش هيشتغلوا"
قال هاني شاكر، نقيب المهن الموسيقية، إن ما يحدث على الساحة الفنية مؤخرا زاد عن حده، "مش كل حاجة عليها معدلات مشاهدة عالية يبقى حاجة كويسة، لما امتحن حسن شاكوش في النقابة ونجح كمطرب ودي خطوة أولى وهو مخدش العضوية".
وأضاف خلال اتصال هاتفي ببرنامج "الحكاية"، المذاع على شاشة "MBC مصر"، الذي يقدمه الإعلامي عمرو أديب، فيه إجراءات كتير لازم هتتاخد بعد كدة لتقنين غناء مطربي المهرجانات، هنشوف لهم شعبة خاصة بيهم لأن عندنا شعبة راب، فقولنا نحاول نعمل سيطرة شوية هذه النوعية من الأغاني، ولما فكرت أنا وأعضاء النقابة في تقنين قولنا إن مطربي المهرجانات دول لا ينفع يبقوا أعضاء عاملين ولا ينفع يبقوا أعضاء منتسبين لكن هنديهم تصاريح للعمل فقط لكن ولا هيبقاله حق انتخاب".
وأشار إلى أن هناك شرط لهذا التصريح وهو الالتزام بكل كلام يقوله وأي حاجة يغنيها متوافق عليه من النقابة، وإقرار منه باحترام القواعد والقوانين المنظمة لعمل الغناء في النقابة، "لو ودوا خمور وحشيش للمصنفات الفنية مكنتش أجيزت لكن هي اتعملت ونزلت كدة من تحت السلم".
وتابع: "مطربو المهرجانات مش هيشتغلوا، واحنا وقفنا فكرة إن احنا نحتضن مطربي المهرجانات، هذه الأغاني التي تعتمد على الإيحاءات الجنسية والكلام الخارج مرفوضة تماما واتقفل الباب عليها تماما، إحنا عاوزين فن محترم".
وقاطعه عمرو أديب قائلا: "مين هيحدد إن الأغنية دي أغنية مهرجانات فالراجل دة مينفعش يشتغل ومينفعش يغني؟ هل دة ينطبق على أوكا وأورتيجا؟"، فأكد له "شاكر" أن هذا القرار ينطبق على الكل، "اللي عاوز يغني شعبي عادي زي الليثي وشيبة وبوسي يغنوا يبقى يحلها ألف حلال، غنا المهرجانات لا يليق باسم مصر".
