عمرو دياب عن نجاح آخر 3 سنوات: "نزلت أكتر للناس وبقيت أشوف بيقولوا إيه وبيسمعوا إيه"
عمرو دياب عن نجاح آخر 3 سنوات: "نزلت أكتر للناس وبقيت أشوف بيقولوا إيه وبيسمعوا إيه"
- عمرو دياب
- عمرو اديب
- برنامج الحكاية
- الفن
- اخبار الفن
- عمرو دياب
- عمرو اديب
- برنامج الحكاية
- الفن
- اخبار الفن
رد الفنان عمرو دياب، على سؤال الإعلامي عمرو أديب، حول القفزة الكبيرة التي حققها خلال الأعوام الثلاثة الأخيرة، على مستوى الألبومات والأغاني التي طرحها.
وقال دياب، خلال مداخلة هاتفية مع الإعلامي عمرو أديب، مقدم برنامج "الحكاية"، عبر شاشة "mbc مصر": "نزلت أكتر للناس، وشفتهم وحضرت وقعدت ودخلت أماكن وبقيت أسمع وأشوف بيقولوا إيه وبيسمعوا إيه ودي فرقت معايا كتير أوي".
وأضاف: "بقول للمجموعة اللي معايا ربنا مدينا موهبة مش هتزيد ومش هتنقص، إحنا دارسين مزيكا وموهبتنا موسيقى، الحدوتة كلها في الناس إنك تنزلهم وتشوفهم عاوزين إيه وبيحبوا إيه وبيسمعوا إيه".
وتابع: "بحس دايمًا إن في حاجة غلط ولسه معملتش حاجة والحكاية مش كويسة، وهم كتير بيقولوا لي ارحم نفسك، طول الوقت مش بحس إني عملت حاجة، وأنا معودهم على كده".
