عمر كمال: "مخدتش فلوس أغنية بنت الجيران.. ومحقتتش أرباح 54 مليون جنيه
عمر كمال: "مخدتش فلوس أغنية بنت الجيران.. ومحقتتش أرباح 54 مليون جنيه
نفى المطرب عمر كمال، أن تكون أرباح المهرجان الأخير الذي غناه مع حسن شاكوش، وصلت إلى 54 مليون جنيه على موقع "يوتيوب".
وقال كمال، خلال مداخلة هاتفية مع الإعلامي عمرو أديب، مقدم برنامج "الحكاية"، عبر شاشة "mbc مصر": "أنا على خلاف مع شاكوش في جزء صغير، لكن الفهم العام بيتقال إن يوتيوب، بيدفع على المليون مشاهدة 1000 دولار، ودلوقتي بنت الجيران حققت 95 مليون مشاهدة، لكن الحقيقة إن يوتيوب مش بيحاسب على المليون مشاهدة، لكن بيحاسب على الثواني الإعلان اللي اتفرجت عليها".
وأضاف، أن خلافه مع شاكوش يرجع إلى "التهميش" الذي تعرض له بسبب: "مدانيش حقي الأدبي، ومش عاوز منه فلوس، والمبالغ دي مش بتخش لنا، ولو بتخش مكناش غنينا أصلًا".
وحول المقابل الذي حصلت عليه القناة التي أطلقت الأغنية على يوتيوب، قال كمال: "إحنا بنعرف الكلام ده كل 3 شهور أو نص سنة، بنروح للشركة مديرة القناة وبتاخد 30%، وإحنا بناخد 70%، وفي الآخر بنتحاسب على عدد الثواني، ولحد دلوقتي مخدتش فلوس خالص، ومش مشكلة الله يبارك له".
