"لانشون ورومي الطبق بخمسة".. كشك حمادة ينتظر البسطاء: مفيش خسارة مع ربنا

02:46 م | الاثنين 10 فبراير 2020

في محل صغير، لا تتعدى مساحته 3 أمتار، تجد كل ما يحتاجه البيت المصري، يقف حمادة عبدالعزيز، يبيع لأهل منطقته ما يحتاجونه في "كشكه المتواضع"، دون أن يضع أسعار عالية، مراعاة لظروفهم وحالتهم الاقتصادية، يكثر الإقبال عليه، من جيرانه، يوما بعد يوم منذ افتتاح محله في مسقط رأسه بطلخا في محافظة الدقهلية.

حمادة يبيع اللاشنون والجبن الرومي بخمسة جنيهات

يبيع حمادة اللانشون والجبن بأنواعها، منها الرومي والبراميلي، بخمسة جنيهات فقط: "أنا ماشي على طول بنظام الطبق أبو خمسة سواء رومي أو لانشون أو جبنة بيضة أو مخلل، أي صنف جبن عموما، وزيتون ولانشون علشان في ناس ظروفها على أدها"، حيث وضع لافتة على المحل مكتوب عليها: "أنا كشك في قرية بسيطة مش مول، والموجود بالعرض جميع الأوزان.. وجميع الأصناف بخمسة جنيه.. الفكرة للي مش قادر يشتري بعشرة وبعشرين يقدر يشتري بخمسة بس..في انتظارك".

رؤية "عبدالعزيز"، لأسعار اللانشون والجبن الرومي المرتفعة والتي تعد فوق مستوى البسطاء ومحدودي الدخل، جعلته يضع نفسه مكان الفقراء في قريته، "يعني كل الحكاية بدلا من ربع رومي بعشرين، ممكن ياخد أربعة أصناف بالعشرين، ومن بداية شغلي وأنا ماشي على مبدأ الطبق أبو خمسة جنيه في متناول إيد الناس".

لم يحزن الشاب الثلاثيني، بسبب التسعيرة الرخيصة التي وضعها لبيع منتجاته: "من حوالي عشر سنين فتحت الكشك دا ومش فارق إني أرخص السعر.. وربنا بيرزقني والحمد لله، ومفيش خسارة مع ربنا"، وفق حديثه لـ"الوطن"، معبرا عن سعادته بترحيب الناس بالفكرة وإشادتهم بها "كفاية بشوف الفرحة في عيون الناس الغلابة اللي ميقدروش يشتروا الحاجات دي كل يوم".