كريم عبدالعزيز: أحمد زكي ضربني بالقلم بجد وخلاني أطمن على طبلة ودني
كريم عبدالعزيز: أحمد زكي ضربني بالقلم بجد وخلاني أطمن على طبلة ودني
- كريم عبدالعزيز
- صاحبة السعادة
- إسعاد يونس
- أخبار الفن
- أخبار الفنانين
- أضحك الصورة تطلع حلوة
- أحمد زكي
- كريم عبدالعزيز
- صاحبة السعادة
- إسعاد يونس
- أخبار الفن
- أخبار الفنانين
- أضحك الصورة تطلع حلوة
- أحمد زكي
كشف الفنان كريم عبدالعزيز تفاصيل مشاركته في فيلم "اضحك الصورة تطلع حلوة" مع الفنان الراحل أحمد زكي، وذلك خلال لقائه مع الفنانة إسعاد يونس في برنامج "صاحبة السعادة" المذاع عبر فضائية "dmc".
وقال عبدالعزيز: "أنا سنة 97 كان عندي 22 سنة ومتحمس فروحت لأستاذ شريف عرفة وقولت له بعد الأستاذ أحمد زكي يضربني بالقلم عايز الريأكشن بتاعي يبقى إيه فضحك الأستاذ شريف عرفة إن الأستاذ أحمد زكي هيسفخني قلم حقيقي يخليني مشوفش الصبح من الضهر".
عزت أبوعوف كان واقف بيضحك ومعاه كيس تلج
وتابع: "أنا مش فاهم بقى والدكتور عزت أبوعوف الله يرحمه ويجمعنا بيه في الجنة واقف ورا الكاميرا وفي إيده كيس تلج فقلت له يا دكتور عزت إيه اللي في إيد حضرتك ده فيقولي أصل أنا عارفه".
وأضاف: "من عظمة العين أنا لما بصيت في عينيه مشوفتش إيده وهي بتطلع وأنا فجأة نمت على الأرض وقمت بطمن على طبلة ودني ووشي كان مزرق وحطيت تلج وراح الأستاذ أحمد زكي راح حضني وكلهم ضحكوا".
ولفت عبدالعزيز إلى أن الفنان أحمد زكي طلب من "البودي جارد" الذين شاركوا في المشهد أن يضربوه بشكل حقيقي: "هو ضرب بجد وكان عايز يتضرب بجد وأنا قولت يا جماعة إيه المعجنة دي".
