"وقعوا في بعض".. عمرو أديب: الإخوان عايزين يولعوا في المقاول الهارب
"وقعوا في بعض".. عمرو أديب: الإخوان عايزين يولعوا في المقاول الهارب
طمأن الإعلامي عمرو أديب، المصريين في الخارج، عن أجواء الشارع المصري في ذكرى 25 يناير، حيث قال "لم يحدث شيء، أنا بقول للي بره مصر سواء كانوا مصريين أو غير مصريين عشان فيه ناس كتير سألتني النهاردة، اتطمنوا الأمور مستقرة في مصر"، وذلك خلال تقديمه برنامج "الحكاية"، الذي يُعرض على شاشة "MBC مصر".
وتحدث "أديب"، عن خلاف الإخوان والمقاول الهارب، قائلاً إن هناك تكتلات إخوانية سواء في قطر أو تركيا اتفقت فيما بينها على "عاوزين يولعوا في محمد علي"، كون المقاول الهارب أخذ منهم اللقطة الفترات الماضية، حيث استضافته كل قنوات الإخوان في الأسبوع الماضي ووجهوا له نفس السؤال "تعمل إيه لو دعوتك للتظاهرات فشلت؟"، وكان رده "أنا هقعد في البيت ومليش دعوة بالسياسة تاني".
واستكمل أديب ساخرًا: "الناس بتوع الإخوان كانوا ممكن تطلع تعمل أي حاجة النهاردة ولو مجاملة لمحمد علي، زي قطع طريق مثلا، أهو يجاملوا الراجل، الإخوان في تركيا عملوا معاه الجلاشة وودوه ورا مصنع الكراسي، خلاص كده الإخوة بتوع إسطنبول قرروا يولعوا في المقاول الهارب والذين معه، عشان سحب السجادة من عند البهوات، ولما يسحب السجادة التمويل يقل، وبعدين الفلوس اللي تتقسم على 4 غير اللي على 5".
