غادة والي: "قبل سفري للأمم المتحدة هقعد مع أبويا وأمي وأسرتي"
غادة والي: "قبل سفري للأمم المتحدة هقعد مع أبويا وأمي وأسرتي"
- غادة والي
- وزير التضامن السابقة
- الأمم المتحدة
- وكيل السكرتير العام
- صاحبة السعادة
- إسعاد يونس
- غادة والي
- وزير التضامن السابقة
- الأمم المتحدة
- وكيل السكرتير العام
- صاحبة السعادة
- إسعاد يونس
كشف الدكتورة غادة والي وكيلة الأمين العام للأمم المتحدة والمدير التنفيذي لمكتب الأمم المتحدة للمخدرات والجريمة ومدير مقر المنظمة الدولية في فيينا، عما تفعله خلال هذه الأيام قبل انتقالها لمنصبها الجديد في مقر الأمانة العامة للأمم المتحدة، وذلك خلال لقائها مع الفنانة إسعاد يونس في برنامج "صاحبة السعادة" المذاع عبر فضائية "dmc".
وقالت والي: "قبل ما أسافر، الشهر ده هقضي وقت أطول مع والدي ووالدتي لأني الحقيقة في الـ6 سنين اللي فاتوا كنت مقصرة في أحيان كثيرة ومكنتش بقدر أقضي معاهم الوقت اللي عايزة أقضيه معاهم".
وتابعت: "هطلع كام يوم مع والدي ووالدتي وجوزي وأولادي برضه هناخد إجازة في البحر الأحمر، وهوضب حاجات كتير في البيت عايزة تتوضب وهنزل الشتوي بقالي شهر بحاول أنزله والحمد لله ربنا بيسترها".
وأكدت والي: "وكما هنزل اشتري شوية كتب لأني بقالي فترة مبقراش، وأنا شايفة إن فيه نهضة ثقافية وإبداعية في مصر في آخر 10 سنين وظهر كُتاب كتير".
وأضافت: "فيه كتب محتاجة أقراها وسامعة عنها كتير وفيه كذا كتاب سمعت عنهم زي بيت القبطية والمماليك وكذا كتاب عايزة ابص عليهم وفيه كتب قديمة ركناها لبهاء طاهر وأحمد مراد ومكنش عندي وقت أقراء".
واستطردت: "نفسي أرسم لما أروح وأنا بحب الرسم وده أحد الهوايات اللي نفسي أمارسها وبحب أقرأ شعر، وهشتري شوية دواوين سواء جديدة او قديمة".
واستكملت: "وفيه أفلام عايزة أشوفها وعايزة أشوف مسرحيات وعايزة أشوف مسرحية محمد صبحي، وهحاول إني أعمل حاجات مكنش عندي وقت أشوفها، وبحب الأفلام القديمة وفيه أفلام أوربية نفسي أشوفها وأفلام مصرية مشوفتهاش"، لافتة إلى أنها اعتادت القراءة بسرعة نظرًا لعملها في تصحيح رسائل الماجستير والدكتوراة.
