بص في ورقتك.. تهنئة وشوكولاتة في أول امتحانات كلية "الذكاء الاصطناعي"
بص في ورقتك.. تهنئة وشوكولاتة في أول امتحانات كلية "الذكاء الاصطناعي"
- كفر الشيخ
- طب كفر الشيخ
- اتحاد طلاب جامعة كفر الشيخ
- جامعة كفر الشيخ
- كفر الشيخ
- طب كفر الشيخ
- اتحاد طلاب جامعة كفر الشيخ
- جامعة كفر الشيخ
"بص في ورقتك يا باشمهندس، ولقد حان وقت الامتحان".. وغيرها من العبارات التحفيزية والكوميكس بجوارها قطعة من الشوكولاتة، وضعها المهندس وائل محمد، أمين كلية الذكاء الاصطناعي بكفر الشيخ، على المقاعد الدراسية للطلاب الذين يؤدون أول أيام امتحاناتهم في أول يوم بالعام الجديد، لتخفيف وطأة الضغوط والتوتر التي يشعرون بها.
أمين الكلية قرر شراء كمية من "الشوكولاتة" على نفقته الخاصة وتوزيعها على الطلاب، وطبع بعض التعليقات الساخرة على ورق، بالتنسيق مع مصطفى كامل، رئيس اتحاد طلاب الكلية وزملاؤه في الاتحاد، ولصقها على المقاعد داخل القاعات الدراسية قبل أداء الامتحان.
"بحب الطلاب والدفعة دي مميزة لأنها أول دفعة في أول كلية في مصر، ليها محبة خاصة في قلبي فقررت أفاجئهم بحاجة حلوة، علشان أقلل ضغوط الامتحان عليهم فاشتريت شوكولاتة وبدأت أنسق مع اتحاد الطلاب وطبعنا ورق عليه "كوميكسات" وعبارات تحفيزية، مثل "هنا أول يوم في السنة وفى امتحاناتك"، "ترانى تأثرت لحظة أبكي"، "بنقولك بكرة أجمل باجتهادك"، "حن على الكتاب دا الفاشل حن"، "بص في ورقتك يا باشمهندس"، "الطرقة ساقعة والمذاكرة والعة"، "هابي نيو يير"، وفقاً لأمين الكلية.
وأضاف: "كلمت الدكتور رضا صالح نائب رئيس الجامعة والمشرف على الكلية، وقلت له، نفسى أفرح الطلاب وهشتري شوكولاتة على نفقتي الخاصة، وهطبع ورق به عبارات تحفيزية وهلصقه على مقاعدهم داخل القاعات الدراسية الذكية، فأبدى إعجابه بالفكرة، وقال نفذ فورا".
وتابع: "إحنا بنتعامل مع الطلاب كأنهم أخواتنا مش طلابنا، وكلنا في الكلية أيد واحدة من أجل تفوقهم وإسعادهم، عشان دي أول كلية في مصر والطلاب أول امتحان وكان عندهم رهبة، فحبينا نقلل الرهبة دي ونقولهم إحنا كلنا معاكم، ودايما بيدعمنا في كل أفكارنا الدكتور عبد الرازق دسوقي رئيس الجامعة".
"الطلاب لما دخلوا قاعات الامتحانات تبدلت ملامحهم نهائيا، اللي كان خايف أترسم على وجهة ابتسامة كبيرة، شافوا قد إيه إحنا مهتمين بيهم ونفسنا نفرحهم، أنا زميل ليهم وفى نفس الدفعة، حبيت أسيب بصمة عند زمايلي علشان لما نتخرج نقول أحنا أول دفعة وعملنا حاجة حلوة".. هكذا وصف مصطفى كامل رئيس اتحاد طلاب الكلية، المفاجأة.
