فيديو.. تامر حسني يظهر على برج خليفة بتحدي عالمي: قولوا أمنياتكم
فيديو.. تامر حسني يظهر على برج خليفة بتحدي عالمي: قولوا أمنياتكم
- تامر حسني
- برج خليفة
- فيديو
- تيك توك
- العام الجديد
- رأس السنة
- فن
- تامر حسني
- برج خليفة
- فيديو
- تيك توك
- العام الجديد
- رأس السنة
- فن
ظهر الفنان تامر حسني بفيديو جديد، في الساعات الأولى من العام الجديد 2020، على الإطار الخارجي من برج خليفة، في دبي، بمقطع فيديو أثار اهتمام المشاهدين.
وأطلق "حسني" تحديًا جديدًا من خلال الفيديو بالتعاون مع تطبيق "تيك توك"، ليقوم بأول تحدي عربي وعالمي لتحقيق 5 أمنيات لجمهوره.
ونشر تامر مقطع الفيديو، عبر خاصية الاستوري على حسابه بموقع تبادل الصور والفيديوهات "إنستجرام"، وبدأ بكلمات أغنيته الجديدة "حلو الكلام"، ثم استكمل حديثه: "كل سنة وانتوا طيبين، تحدى السنة دى هيكون على مستوى العالم، وهو عبارة عن أمنيتين الأولى شخصية والتانية عامة، تعالولي على "تيك توك" وقولولي أمنياتكوا إيه في السنة الجديدة.. هو ده".
وقال تامر: "لكل جماهير (تيك توك) في الوطن العربي وجميع أنحاء العالم كل سنة وأنتوا طيبين.. أنا فرحان جدًا واتشرفت جدًا إن انتوا اختارتوني أكون الواجهة العربية العالمية للتحدي بتاعنا الكبير ده.. التحدي السنة دي عبارة عن أمنيتين أمنية شخصية وأمنية عامة وإدارة (تيك توك) هتختار بشكل عشوائي 5 أمنيات إن شاء الله أحققهم".
وأضاف: "بالنسبة لأمنياتي أنا هبدأ بالأمنية العامة، إني إن شاء الله ماشوفش حروب تاني والسلام يعم في العالم كله، والأمنية الخاصة هقسمها لإتنين، الأولى إني أشوف ولادي الخمسة ناجحين ومحققين أحلامهم، ربنا يكرمهم ويحققوا كل اللي بيحلموا بيه.. أما بقى الأمنية الشخصية بالنسبالي أنا بحلم إن أنا أعمل فيلم ياخد أوسكار.. الطموح مش عيب، كل سنة وانتوا طيبين".
