"كنت عامل دماغ وقالتلي البيرة حرام".. اعترافات قاتل زوجته في بدر
"كنت عامل دماغ وقالتلي البيرة حرام".. اعترافات قاتل زوجته في بدر
"كنت عامل دماغ، مراتي جات تتخانق معايا وتقولي حرام عليك البيرة اللي بتشربها وأنت سايب بيتك من غير ولا جنيه، هات 50 جنيه عشان اشتري بيها خضار للبيت، فمسكت رأسها وضربتها في الحيط لحد ما طبت ساكتة"، هذه الكلمات هي ملخص اعترافات شاب بقتل زوجته داخل منزل الزوجية في مدينة بدر، بعد أن ألقت المباحث القبض عليه.
"مراتي زنانة مش بتبطل طلبات، وكل يوم عايزة حاجات كتير، وأنا شغال ميكانيكي والدنيا مريحة معايا وهي مش مقدرة الظروف، وأول ما شافتني قاعد بشرب جات اتخانقت معايا ولمت عليا الجيران، عشان كده ضربتها، ومكنتش عارف أنا بعمل إيه بس مكنتش عايز أقتلها كنت عايز أخليها تسكت، بس اللي حصل، ماتت قبل ما تروح المستشفى"، واصل المتهم الاعتراف بجريمته أمام المباحث، مدعيًا أن جريمة القتل حدثت بالمصادفة بسبب تشاجر زوجته معه.
وقررت النيابة حبس المتهم على ذمة التحقيقات بتهمة القتل العمد، بعدما أعاد المتهم اعترافه بتفاصيل الجريمة خلال تحقيقات النيابة، موضحًا أنه كان في حالة سكر وقت حدوث الجريمة، وأنه اعتاد تناول الكحوليات منذ عدة سنوات قبل الزواج، لكن زوجته طلبت منه عدة مرات التوقف عن تناولها، لكنه لم يتمكن من ذلك، حتى تطورت الأمور بينهما وانتهت بجريمة قتلها.
كان قسم شرطة مدينة بدر، تلقى بلاغًا من الأهالي بوقوع مشاجرة بين زوجين داخل مسكنهما، وتعدى الزوج على زوجته بالضرب المبرح، فلفظت أنفاسها الأخيرة.
وألقى رجال المباحث القبض على المتهم، وتحرر المحضر اللازم عن الواقعة، وقال المتهم في التحقيقات إنه "رطم رأس زوجته في الحائط بعد مشاجرة بينهما على 50 جنيها طلبتها منه، وإنه لم يكن في وعيه لتعاطيه المواد المخدرة".
