"جلال": مسرحية المحاكمة اللي اتعرضت في منتدى شرم الشيخ لفت العالم كله
"جلال": مسرحية المحاكمة اللي اتعرضت في منتدى شرم الشيخ لفت العالم كله
قال المخرج خالد جلال، إن المسؤولية الكبيرة التي وقعت على عاتقه في إخراج مسرحية "المحاكمة" بمنتدى شباب العالم، ليست بسبب وجود الرئيس عبدالفتاح السيسي فقط، بل ووجود ضيوفه أيضا، مضيفًا: "كان فيه 3 آلاف متفرج في القاعة، ده دار الأوبرا كلها فيها 1200 كرسي فقط، إنما اللي حضروا العرض ده كان 3000 شخص وكان من العالم أجمع".
وأضاف "جلال"، خلال حواره في برنامج "يحدث في مصر"، مع الإعلامي شريف عامر، على شاشة "MBC مصر": "شوفت تليفونات كتير عاملة لايف، وهذا يعني أن المسرحية لفت العالم كله، فالمسؤولية كانت ضخمة جدًا، وكانت زي ضربة الجزاء في مجال كرة القدم، لما نحرزها صح أو نضيع الفرصة دي من إيدنا".
وتابع: "اليومين اللي بعد العرض، المشاركين في المنتدى من مختلف الجنسيات قعدوا يتكلموا معايا ويشرحوا لي إيه اللي فهموه من المسرحية، وتناقشوا معايا فيه"، موضحًا في الوقت ذاته أنه يفضل العمل دائما مع الشباب، حيث إنهم الطاقة والإبداع والابتكار والجرأة.
وواصل جلال: "أنا بحب أشتغل مع الشباب أو اللي الناس اللي حققت نجاحات كبيرة وخايفة على شغلها وخايفة تخسر تاريخها"، موضحًا أنه تخرج من تحت يده الفنان بيومي فؤاد ونضال الشافعي وسامح حسين ومحمد شاهين وياسر الطبجي ومحمد ممدوح ومحمد فراج ومحمد سلام وأمين صلاح الدين، وحسام داغر، "خايف أكون نسيت حد"، على حد قوله.
