معتز هشام أصغر نجوم ممالك النار: أحمد السقا سبب حبي للأكشن
معتز هشام أصغر نجوم ممالك النار: أحمد السقا سبب حبي للأكشن
- معتز هشام
- ممالك النار
- مسلسل ممالك النار
- أحمد السقا
- معتز هشام
- ممالك النار
- مسلسل ممالك النار
- أحمد السقا
كشف الفنان الصاعد معتز هشام، الذي جسد شخصية السلطان العثماني سليم الأول، في مسلسل "ممالك النار"، عن تفاصيل دوره وإتقانه لذلك الدور الصعب والمميز.
وقال هشام، خلال حواره مع الإعلامي أحمد خيري والإعلامية مها بهنساوي، ببرنامج "صباح الورد" المذاع عبر شاشة ten الفضائية: "كنت دايمًا بجيب الورق وأشوف مثلًا هقول الجملة دي إزاي، وبشوف رد فعلي اللي قدامي عليها هيكون إزاي وبقعد أرتب كل الحاجات دي مع بعض وبلاقيها في التصوير بتحصل بشكل تلقائي".
أما عن إتقانه للغة العربية خلال أحداث المسلسل، يقول: "كنت بذاكر كتير وكنت بشتغل على نفسي أكتر، وبحاول أتقن اللغة".
وأضاف هشام، أنه بدأ التمثيل في عمره الحادي عشر خلال مشاركاته في التمثيل المسرحي في قصر الثقافة بالفيوم، متابعًا: "كنت الأول بتفرج على تياترو مصر ومسرحيات الأستاذ أشرف عبد الباقي وحبيت الموضوع جدًا، فبدأت بعدها أشتغل مسرح وكسرت الرهبة بتاعت الخوف".
وروى هشام، إنه يحب تمثيل الأكشن ومشاهده، "بحب الفنان أحمد السقا جدًا، فكنت بتفرج عليه كتير وبشوف الحاجات اللي بيعملها، فكان نفسي أعمل حاجة زي كده".
وعن تفاصيل التصوير في تونس، قال الفنان الصاعد: "لما اختاروني للشخصية كلموني قالولي أنت هتسافر أول 15 يوم تدريبات بس، فسافرت وكنا نصحى 9 نفطر و10 نمشي عشان تدريب القتال ونخلص 11 وبعد كده من 11 لـ12 كان تدريب الفروسية".
