منها "محدش هيتعلم هنا".. الفنان حاتم جميل: بكتب إفيهاتي بنفسي

قال الفنان حاتم جميل، صاحب إفيه "مفيش حد هيتعلم هنا"، الذي قاله خلال أحد المشاهد في فيلم "الناظر" أمام الراحل علاء ولي الدين، إن إفيهاته تلقى تداولًا كبيرًا خلال مواقع التواصل الاجتماعي".

وتابع "جميل"، خلال حواره مع الإعلامي حسام الدين حسين والإعلامية سمر نعيم ببرنامج "صباح الورد": "الناس بتقابلني في الشارع بترميلي إفيهاتي، مثلا بيقولوا لي مالك ياض يا وش، ومحدش هيتعلم هنا، وده بيفرحني جدًا".

وكشف "جميل"، إنه يحرص على كتابة إفيهاته الكوميدية الشهيرة بنفسه، "عشان مساحة دوري متبقاش كبيرة فبحب أكون موجود وأسيب علامة".

أما عن مشهده في فيلم "يا أنا يا خالتي" والشهير بجملة "مالك ياض يا وش"، يروي حاتم جميل تفاصيل اختياره لدور البلطجي، قائلًا: "الكاتب أحمد عبد الله كلمني وقالي في مشهد كده صغير بس عاوزينه يبقى مولع، عاوزينك تثبت محمد هنيدي، قولتله طب سيبني عشر دقايق كده وهرد عليك".

واستكمل: "قعدت أفكر مقولش حاجة عادية فجت في بالي أقوله مثلا مالك ياض يا وش، فاتصلت بأحمد عبدالله قولتله هقول لهنيدي مالك ياض يا وش، قالي جميل جدًا وإيه رأيك نقوله كمان مالك ملتهب علينا ليه، والإفيه ضرب لحد دلوقتي".

ويذكر أنه ظهر "جميل" خلال هذا المشهد ضمن أحداث فيلم "يا أنا يا خالتي"، مؤديًا دور البلطجي الذي يقابل هو وعصابته بطل الفيلم "تيمور" وحبيبته "نوال" في أحد الشوارع مصادفة ومن ثم يقرر خطف الفتاة (دنيا سمير غانم) من محمد هنيدي.

• حاتم جميل
• فيلم يا أنا يا خالتي
• فيلم الناظر
• نفض لنفسك ياض
• محدش هيتعلم هنا
• حاتم جميل
• فيلم يا أنا يا خالتي
• فيلم الناظر
• نفض لنفسك ياض
• محدش هيتعلم هنا