"اللي يزعل يتفلق".. حسن بلبل يفند أكاذيب الإخوان عن "العاصمة الجديدة"

08:36 م | السبت 09 نوفمبر 2019

فّند حسن بُلبل، أحد نُشطاء مواقع التواصل الاجتماعي، في مقطع "فيديو" له، الأكاذيب التي تروجها جماعة الإخوان الإرهابية، وأبواقها الإعلامية في الخارج، حول المشروعات العملاقة التي تنفذها الدولة المصرية،

ونشر "بلبل"، عبر صفحته الشخصية على موقع التواصل الاجتماعي "فيس بوك"، ذاكرًا أن البعض يتحدث عن أن هناك مشروعات أهم وذات أولوية من بناء العاصمة الإدارية الجديدة، مثل إنشاء مستشفيات أو مدارس جديدة.

وقال "بلبل" ساخرًا: "ما شاء الله، مصر بقى فيها 100 مليون خبير، الدولة كلها بقت خبراء، وبتتكلم عن الأولويات، بس لو بصيت في نفس الوقت هتلاقي فيه مستشفيات كتير اتعملت وبتكاليف رهيبة، وهتلاقي برضوا مدارس جديدة تم افتتاحها، المدارس اللي أطفالنا الحلوين بيهربوا منها ومش بيروحوا، ومحدش يقول دي ثقافة دولة لأ، دي ثقافة شعب وثقافة تربية للطفل".

وأضاف، أن العاصمة الإدارية الجديدة لم تُبنى من تلقاء نفسها، فعمل بها عُمال وفنيين ومهندسين وموظفين يقدرون بـ 3.5 مليون شخص كانوا يعانون من البطالة، وبعملهم في العاصمة الجديدة، استطاعوا "فتح بيوت"، موضحًا أن الدولة تبني العاصمة الجديدة من أجل تقليل الضغط على القاهرة، وحل أزمة الزحام وأيضًا البطالة.

وتابع: "لما الأمطار نزلت على مصر الجديدة غرقت شوارع كتير، طلع بقى أبواق الإخوان الإعلامية وقالوا مش عارفين يعملوا الصرف ولا المجاري، بالرغم من أن دول كتيرة في أوروبا غرقت برضوا من الأمطار، ودول معادية لمصر زي قطر وتركيا عانوا في شوارعهم بسبب مياه الأمطار، بس عاوز أقول إن شبكة الصرف الصحي وتصريف مياه الأمطار كانت معمولة منذ سنوات طويلة لعدد معين من السكان، مكناش 100 مليون شخص، وتعديل ده له تكاليف رهيبة".

وواصل "بلبل": "زي ما يكون عندك حمام في البيت وبيدخله شخصين، لما يكون عندك نفس الحمام بس بيدخله سكان العمارة كلها، أكيد الوضع هيكون مختلف، كل ما العدد بيزيد بيكون حمل على شبكة الصرف، العاصمة الإدارية وفرت ده كله وحلت مشكلة دي كله ووفرت سكن لـ 3.5 مليون واحد، وفتحوا بيوت وفيه ناس من وراهم أكلوا عيش".

وأردف: "عارف إن فيه 100 مليون مصري فرحانين بالعاصمة الإدارية، المشكلة في اللي بره بيزعلوا إن فيه مشاريع كبيرة بتتعمل، وبيبثوا السم عشان منفرحش بالمشروعات، وبرضوا بينتقدوا بناء القصور الرئاسية، رغم أن القصور دي واجهة لمصر قدام رؤساء العالم أجمع لما ييجوا بلدك، لما تكون القصور كويسة بيبقى ليها مكانة تانية".

وأكمل: "عارفين ومتأكدين أن مفيش حد بيزعل من المصريين لما يلاقي قصور حلوة وفي مدارس ومستشفيات جديدة ومدن جديدة فتحت بيوت ناس وخفت الضغط عن المدن الثانية، عارف إنكم مش زعلانين، اللي زعلان هي البلاد اللي عاوزه مصر تقع وعاوزه مصر بدون حماية، واللي يزعل يتفلق".