انتفاضة حمراء ضد رانيا علواني: الدوري وحده لا يكفي.. اصحو احنا الأهلي

01:18 م | الأحد 01 سبتمبر 2019

"اصحوا إحنا الأهلي".. هاشتاج دشنه جمهور المارد الأحمر تعقيبا على مشادة رانيا علواني عضو مجلس إدارة النادي الأهلي، مع أحد مشجعي القلعة الحمراء عبر حسابها الرسمي "تويتر".

سبب المشادة كان هجوم المشجع على الإدارة، والمجلس الحالي، بسبب اختياره للمدير الفني الجديد لفريق كرة القدم.

وبدأت المشاحنات حينما كتبت رانيا علواني تغريدة خاصة بالرياضيين الذين يحصدون الذهب، سواء في دورة الألعاب الأفريقية أو في أي لعبة أخرى قائلًا: "حد تاني واخد باله أن رياضتنا وأبطالنا السنة دي زي الفل في كل اللعبات، إلا الكورة، هما دول اللي يستاهلوا بجد عاش أبطال مصر"، ليرد أحد المشجعين من القلعة الحمراء: "لا احنا واخدين بالنا من الفشل المستمر في الاختيار جوه النادي من يوم ما المجلس مسك وكنتوا معشمنا أن النادي في طريقه الصحيح للإصلاح وإعادة مكانته وفي الآخر طلعنا بنغرق أكتر ما كنّا"، لترد رانيا: "هو حضرتك ما اخدتش الدوري؟؟؟؟"، ورد المشجع: "لا حضرتي طلعت بفضيحة من صنداونز وخسرت من بيراميدز في الكأس ولو المقياس الدوري ما مجلس الأستاذ محمود طاهر كسبه يبقى وقفنا ضدهم ليه".

وردت رانيا: "طيب تعالى مرن أنت يمكن تكون أنت الفرج"، ليرد مشجع آخر على رانيا علواني قائلًا: دوري ايه حضرتك اللي فرحانين بيه حسن حمدي كان بياخد الدوري 3 مرات في السنة، لترد عليه قائلة رانيا علواني: "أه عارفه وكنت أنا برده في مجلسه شوف حضرتك بقى الغلط فين ؟؟".

وأثارت تلك الردود والمشاحنات غضب جماهير النادي الأهلي، التي دشنت هاشتاج "اصحوا إحنا الأهلي"، حيث احتوى الهاشتاج على تعليقات من محبي ومشجعي النادي الأهلي على ردود رانيا علواني، فمنهم من عبر عن غضبه بسبب التعليقات، ومنهم من طالب الجماهير الغاضبة بالتعقل، والتوقف عن الهجوم على إدارة النادي.

وغرد أحد مشجعي النادي الأهلي باسم أحمد: "والله العظيم الواحد بقى يشوف العجب، أصغر مشجع عارف يعني إيه الأهلي.. أصحوا والنبي كفايه قرف"، وغرد مجدي: "رضينا بالهم والهم مش راضي بينا.. دنيا العجب"، وغرد "كاكا الأهلاوي": "إحنا من إمتى كان طموحاتنا الدوري يارانيا معلش".

وغرد أحمد: "من إمتى وإحنا عندنا أعضاء مجلس إدارة بتتجادل مع الجماهير، لا وكمان بترفع إيدها وترمي المسؤولة على الرئيس واللجنة"، وقالت حنان: "عارفة إن طموحات الجماهير وأنا منهم كان اسم كبير لأن الأهلي كبير ويستحق، لكن فايلر بقى أمر واقع وأي ردود فعل ضده حتكون ضد الأهلي وإحنا داخلين على بطولات كبيرة".

وقالت ميري: "ياريت بس نآخد بالنا ونركز في كلام رانيا علواني.. آه اسلوبها زفت ومينفعش بس إيه مخليها مقطعة البطاقة زي مابيقولوا ونازلة ضرب في الخطيب وروحوا اسألوه والجو ده، هو إيه اللي بيحصل في المجلس دا بالظبط.. وكله قلب على بعضه ليه؟".