بريد الوطن| آلية للعثور على عقلية بعيدة عن الروتين
بريد الوطن| آلية للعثور على عقلية بعيدة عن الروتين
فى مقال الأستاذة نشوى الحوفى، الذى نشر فى جريدة الوطن عن الروتين وعقلية الموظف، وصفت التأثير الرهيب على المجتمع والأسباب والعلاج، كأن هناك من يتعمد إفقادهم الانتماء والإيمان بسلبيته أو غياب كفاءته أو إدراكه لما يجب عليه القيام به، وحاجتنا إلى من يحطم تلك العقلية ومبرراتها وأفقها الضيق، وطبعاً فيه مجهود بيتعمل من وزارة التخطيط للإصلاح الإدارى وكتير بنقرا عن دورات تدريبية بتتعمل فى المجال ده، طيب إزاى نحاول نضيف للمجهود ده، أكيد أول عائق هيكون التمويل، معظم الناس اللى عندها كفاءة أو استعداد لزيادة كفاءتها وتطوير نفسها هيكون عندهم استعداد لتحمل تكلفة أى تدريب أو تعلم بس يكون فيه مقابل معنوى ومادى ولو قليل، ويكون فيه فرصة إنهم يحاولوا يطوروا أو يغيروا الروتين فى مكانهم، المهم إن ده يكون فى كل المجالات، الخدمية والإدارية والفنية، طيب ممكن جمعية مصر تستطيع اللى فيها العلماء المصريين بالخارج يشرفوا أو يساعدوا فى التدريب والتعلم وينقلوا خبرتهم بالخارج اللى مكنتهم من تحقيق ذاتهم وتحقيق مكانة متميزه لعملهم؟ متهيألى إن العلماء دول هيكونوا أكتر ناس تقدر تكتشف كفاءات ومن غير تحيز أو مجاملات. أهم حاجة إن يكون فيه امتحانات أو اختبارات سواء فى التدريب أو التعلم سواء نظرى أو عملى.
محمد. مواطن عادى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
