خيري رمضان عن ثنائه على الشرطة: "مقدرش أزعل اللي حامي البلد"

فسّر الإعلامي خيري رمضان، التغريدة التي كتبها عبر "تويتر"، ووجه فيها الشكر لقوات الشرطة، مثمنًا دورها. 

وقال "خيري"، خلال مداخلة هاتفية مع الإعلامي عمرو أديب مقدم برنامج "الحكاية"، عبر شاشة "MBC مصر"، إنه مقيم الآن بالقرب من مدينة مرسى مطروح، موضحًا أنه عندما كان في أحد الطرق شاهد رجال الشرطة وهم بطريق الضبعة، حيث كانوا يحمونه: "كنت بستمتع بالحياة وبقول لولا الناس دي الواحد مش هيستمتع كده". 

كما أثنى "رمضان"، على تواجد قوات الشرطة في منطقة الدقي بمحافظة القاهرة: "عندنا مجموعة من امناء الشرطة لم أرى مثلهم، يعاملون الناس بالابتسامة الودودة ويسلمون عليهم، ولا يكون شغلهم الشاغل فرض المخالفات". 

وتابع: "شكرتهم عشان فكرت إحنا ليه لازم نشكرهم بس لما ظابط ينقذ حد، او حد يموت يستشهد على الجبهة، ليه مندعمش الناس الواقفة على الجبهة عشان نعيش إحنا في أمان ونمشي في أمان، دول ناس يستحقوا الشكر، ولو مش هنجاملهم نجامل الإرهابيين يعني؟!". 

واختتم: "مقدرش أزعل أخويا وصحبي اللي واقف في ضهري وحامي البلد ومستعد يموت في لحظة عشان أعيش أنا كويس، وبكون حاسس بمنتهى الأمان وأنا لوحدي وده لا يقدر بمال، الحمد لله أنهم رجعوا تاني، إحنا جربنا الفزع والقلق والخوف وكنا خايفين على ولادنا وستاتنا، ولولا الأمن مكناش هنعرف نعمل أي حاجة". 

وكتب خيري رمضان: "كلما مررت بكمين للشرطة بعد منتصف الليل، صيفا وشتاءً، أشعر بامتنان شديد لرجال الشرطة، في الشوارع وفي أقسام الشرطة وعلى الجبهة في مواجهة الإرهاب، وعلى الحدود، ليمنحونا الأمان، أجد نفسي مدفوعا للتعبير عن محبتي، واعتذاري لرجال الشرطة، عن أي إساءة غير مقصودة حدثت ذات يوم، حفظكم الله". 

• خيري رمضان
• الحكاية
• الشرطة
• مرسى مطروح
• عمرو أديب
• اعتذار خيري رمضان
• خيري رمضان
• الحكاية
• الشرطة
• مرسى مطروح
• عمرو أديب
• اعتذار خيري رمضان