بريد الوطن| هنقابل بعض
بريد الوطن| هنقابل بعض
وبنمشى ف شوارع الدنيا
الخطوة محسوبة علينا
وندخل من شارع نطلع م التانى
ونقابل بعض
ونتوه أحياناً نتبرجل
تجمعنا الدنيا بأقدارنا
نمشيها مسار
نتكعبل مرة ونتقوّى، نتقوّى ببعض
طب إيه رأيك لو كانت راحت خطاوينا من شارع تانى
لو تُهنا ف بعض
أنا بس بقولك لو تفرض دا مجرد فرض
بالطبع لا كنا هنتقابل
ولا تجمعنا نفس الأرض
ولا كنت هتدخل من قلبى
وتعيش ف النبض
صدقنى الخطوة المكتوبة
نمشيها بالطول والعرض
علشان مكتوب لى
ومكتوب لك هنقابل بعض
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
