بريد الوطن| حمال الأسية
بريد الوطن| حمال الأسية
حمال الأسية دايماً هو الكبير
لا مش كبير بسنه لكن حى الضمير
بيسند الضعيف ويجبر الكسير
ويعذر الأحباب ويخلق الأسباب
علشان دايماً يواسى ويسأل ع اللى غاب
قلبه يسامح ويغفر لكل الجاحدين
ويلاقى ألف مخرج والكل معذورين
لكن واجب علينا نحس بيه شوية
ونسدد دين علينا
ونخفف م الأسية
يعنى نرد الجميل وده مش مستحيل
الدنيا أخد ورد ودين لازم ينسد
ونقدم التحية لحمال الأسية
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
