شادي سرور يفتح النار على محمد رمضان: «أنا كابوسك»

09:44 م | الثلاثاء 12 مارس 2019

فتح شادي سرور، أحد مشاهير مواقع التواصل الاجتماعي، النار على النجم محمد رمضان، بعدما سمع عن أن رمضان ينتوي طرح أعنيته الجديدة «القمر» قريبا، وإقامة أول حفل غنائي له.

وقال سرور، عبر حسابه الرسمي على موقع التدوينات القصيرة «تويتر»، «تحذير لمحمد رمضان، سمعت أنك هتنزل أغنية تاني، لو عملت أغنية تقرفنا وبتعظم في نفسك تاني هنزل عليك بديس تراك هيقعدك كتير في البيت».

وأضاف شادي في تغريدته، «احذر من الغرور أكتر من كده، لأن إحنا زهقنا، ولو أنت نمبر وان، أنا أول واحد، وأغنيتي موجودة على يوتيوب قبل ما تفكر تغني أصلا، تحياتي، كابوسك».

وطرح محمد رمضان، أمس، بوستر حفله الغنائي المقرر إقامته يوم 29 من شهر مارس الجاري، على مسرح المنارة بمنطقة التجمع الخامس، وظهر في «البوستر»، الذي كتب عليه «أقوى حفل في مصر»، مرتديا «صديري» فقط.

وأعلن رمضان، مؤخرا، عبر صفحته على موقع التواصل الاجتماعي «فيس بوك» عن تصويره فيديو كليب جديد بعنوان «القمر»، ونشر صورة من كواليس الأغنية، معلقا عليها: «كليب القمر.. sooon.. ثقة في الله نجاح themoon musicvideo إنتاج سينرچي إخراج ياسر سامي».

وتأتي تغريدة شادي سرور بعد فترة قصيرة من إثارته الجدل عقب نشره «بوست»، عبر صفحته الشخصية على «فيسبوك»، يقول فيه إنه ترك الدين الإسلامي، ما أثار موجة واسعة من الغضب ضده، لكنه لم يستمر طويلًا، قبل أن يعود ويكتب منشورا آخر، يعلن فيه عودته إلى الإسلام مرة أخرى.

وقال «سرور» حينها: «أنا لما نزلت بوست وقلت سبت الإسلام أنا فعلاً سبت الإسلام بتاعكم ده أنا ماليش دعوة بيه، ده إسلام مش إسلام ده شر وهمجية مالوش علاقة بعبادة ربنا وفعل الخير تماما»، موضحا، «أنا بعبد ربنا أحسن منكم كلكم وكل إنسان دخل جرحنى وشتمني بأبويا وأمي أنت ارتاحت نفسيا، حسيت إن انت أروش شاب في الدنيا أصيع بنت في العالم مفيش فى خبرتك اتنين انتو مش مسلمين».

وأردف «شادى»: «في ناس عندنا هوايتها المفضلة إيذاء الغير، الهمجية فى التربية وضرب النساء والأطفال لو ده محلل يبقى أنتوا عندكم إسلام غير اللي عندي أنا مسلم بالله مش مسلم إني أضرب طفل»، وقال، «لو أي حد عايز يدخل الإسلام وعرف إن في ناس خرجوا منه والمسلمين جابوهم ودبحوهم تفتكروا هيدخلوا، حرام عليكم أنتو ملعونين من ربنا بسبب شركم وإيذائكم للناس، بتحبوا ليه الأذى إنتم ماعندكمش قلب، هو ربنا مش قال تعمل الخير ولا تأذوا الناس أنا لو حكيت طول عمري مش هقدر أقول لكم كنت هعمل فى نفسى إيه في الفترة الأخيرة أنا كنت هموت نفسي».

وتابع شادي سرور منشوراته مرة أخرى عبر حساباته على مواقع التواصل الاجتماعي، حيث قال في مشور جديد منذ أسابيع: «الفيديوهات الكوميدية والهادفة هترجع أفضل مليون مرة من زمان».‬

ولاقى المنشور تفاعل كبير خلال دقائق معدودة، حيث حصد أكثر من يقرب من ألف إعجاب، والكثير من التعليقات التي انقسمت بين مؤيد له ومعارض، فقال حساب يدعى "عمر تيبا "برافو عليك عملت الحركة بتاعت سيبت الإسلام عشان الناس تركز معاك تاني، وبعدها تعمل الفيديو فالناس تتفرج، جدع يا شادي برافو عليك".

بينما علق حساب آخر، «استمر بجد واعمل بأن لأي حد ممكن يأذيك نفسيا أو يقولك كلام سلبي أنا مش فاهمة إزاي حد حلو كدة، ويكتئب عشان كام كومنت وفي غيرك مبيقدموش محتوي ليه لازمة ومحدش بيطيقهم ومكملين».