عبدالعال لـ مروان: الوزراء مش عايزين ييجوا ليه.. هي الكراسي فيها شوك؟

05:50 م | الاثنين 11 مارس 2019

«الوزراء مش عايزين ييجوا عندنا ليه.. الكراسي هنا فيها شوك مثلا».. بهذه العبارة، خاطب الدكتور علي عبدالعال، رئيس مجلس النواب، وزير شئون مجلس النواب المستشار عمر مروان، خلال الجلسة العامة اليوم.

وقال «عبدالعال»، موجها حديثه لوزير شئون النواب، قائلا: «هما مش عايزين ييجوا المجلس ليه، إحنا مخصصين لهم مكان جميل في المقاعد الأمامية، الكراسي هنا فيه شوك ومش عايزين ييجوا».

ورد وزير شئون مجلس النواب، بقوله، «يا فندم مفيش وزير مش عايز ييجي، بس فيه ارتباطات وزيارات، على سبيل المثال حضرتك رفعت الجلسة لمدة 10 دقائق، استغلتهم وزيرة الصحة وذهبت للقاء وزير الصحة اليمني وعادت مرة أخرى للمجلس».

وأضاف الوزير: «حريصون على التواجد في البرلمان ومد جسور التعاون»، وعقب رئيس البرلمان: «لو كانت هناك التزامات مهمة لا نقف أمام الوزراء ولا نلزمهم بالحضور، ولكن المجيء يقرب النواب والوزراء».

واستطرد ضاحكا: «الوزراء معندهمش حاجة يدوها للأعضاء عشان يخافوا ييجوا المجلس، والنواب داخلين على انتخابات ربنا يستر، كلنا على باب الله فى الخدمات».

وكان «عبدالعال»، قد رفع الجلسة، مساء اليوم، لمدة 10 دقائق غضبا من حالة الهرج، التي سادت القاعة، خلال مناقشة بعض مشروعات القوانين، من بينها تعديل قانون ممارسة مهنة الطب.