فيديو| مواطنة تشكو موظفين بـ"أمراض الكبد" بالزقازيق: بنتعامل زي العبيد

نشر أحد الحسابات على موقع التواصل الاجتماعي "فيسبوك" باسم "El Manal" فيديو لأحد موظفي حملة "100 مليون صحة" بمركز أمراض الكبد بالزقازيق بمحافظة الشرقية، وكتبت توصيفا للفيديو "بابا راح المبادرة وطلع التحليل إيجابي وبعتونا للمركز ده نعمل تحاليل تانية وناخد علاج بتاريخ 4 مارس، ووصلنا الساعة 11.30، واتفاجئت أن فيه ناس قاعدة قدام شباك استلام الورق على الأرض، مع العلم أن الناس كلها معاشات يعني سنهم فوق الـ60".

وأضافت: "بسأل أقدم ورقي فين أو إيه المطلوب؟، وردوا عليا رَوحي وابقي تعالى بكره!، أنا ميعادي النهارده؟، لا مش هنشتغل تاني النهارده، ليه يا جماعة انتم بتقفلوا الساعة كام؟، عرفت أن مواعيدهم الرسمية تخلص الساعة 5 بعد ما الموظفة كذبت وقالت 2 الظهر"، متابعة: "رافضين يستلموا أوراق ويشتغلوا من الساعة 11 والموظفة المحترمة اللي في الفيديو كانت بتعامل الناس كأنهم عبيد عندها وأمرتهم يقعدوا على الأرض قدمها عشان توافق تشتغل، ومفيش استلام أوراق لكل حالات الڤيروس دي، والمصيبة بقى المدير اللي دخلت أفهم منه كان رده في الآخر اتفضلي يالا برة وشوفي أعلى جهة ورُوحي اشتكيلها!".

• محافظة الشرقية
• مدينة الزقازيق
• موقع التواصل الاجتماعي
• مركز أمراض الكبد
• محافظة الشرقية
• مدينة الزقازيق
• موقع التواصل الاجتماعي
• مركز أمراض الكبد