وليد مرضي عن إنقاذه ضحايا محطة مصر: "غطيت ست وبنتها عرتهم النار"
وليد مرضي عن إنقاذه ضحايا محطة مصر: "غطيت ست وبنتها عرتهم النار"
قال وليد مرضي، الذي كان يحاول مساعدة ضحايا حريق محطة مصر، إنه يعمل بالشركة الوطنية لخدمة ركاب قطارات النوم بالسكك الحديدة، وأثناء وقوفه على الرصيف سمع صوت انفجار عالي جدًا، ووجد عددا كبيرا من المواطنين يهرولون بسرعة "لاقيت النار ماسكة فيهم".
وأضاف "مرضي"، خلال حواره مع كاميرا قناة "EXTRA NEWS": "بدأت أطفي في الناس دي، وأحط ميه عليهم، لاقيت المياه بتزود الاشتعال والنيران، رجعت تاني جبت بطانية وبقيت أغطى بيها الناس، لاقيت واحدة ست وبنتها النار مسكت فيهم وجسمهم كان متعري، طفتهم ولفيت البطانية عليهم ورجعتهم تاني على الرصيف".
وتابع: "لاقيت فيه ناس على الأرض مرمية أصبحوا جثث مقدرتش أعملهم أي حاجة، ده مكان شغلي ولازم أحافظ عليه، لازم أكون مصد للحادث ده، فيه ناس كانوا بيطفوا معايا في الناس مكنتش لوحدي".
