أيمن بهجت قمر: جماهير الزمالك كانوا "سندي" .. و"عمري ما أسيء للأهلي"
أيمن بهجت قمر: جماهير الزمالك كانوا "سندي" .. و"عمري ما أسيء للأهلي"
قال الشاعر أيمن بهجت قمر، إن بعض المتعصبين من جماهير النادي الأهلي هاجموه وسبوه على مدار أسبوعين بسبب تعاقده مع هيئة الترفيه التي يمثلها المستشار تركي آل الشيخ، مضيفًا: "بكن لتركي آل الشيخ كل الاحترام، زي بالظبط ما بكن كل احترام وتقدير لمحمود الخطيب اللي عمري ما أُسيء له أو لناديه الأهلي اللي بشجعه من وأنا طفل، وأي كلام اتقال ظلم وافترى وتلفيق".
وأضاف "قمر"، خلال تدوينة له على صفحته الشخصية على موقع "فيس بوك": "من عجائب القدر وجدعنة المصريين، إن جماهير الزمالك وقفوا جنبي وبقوا بيقولوا لهم ده أهلاوي بتهاجموه إزاي، وكانوا سند بصراحة، عشان كده أنا خدت عهد على نفسي إني بعد كده برغم تشجيعي للأهلي وعشقي له هراعي مشاعر أي مشجع زملكاوي صديق أو غريب".
وتابع: "عمري ما هنسى لهم وقفتهم جنبي، وحقيقي محبتهم في قلبي زي بالظبط محبتي لجمهور الأهلي، بس الجمهور الواعي اللي بيقرأ ويفهم ويقيم مع كامل احترامي لجماهير مصر كلها".
