أمير طعيمة يهاجم جمهور الأهلي: «مبكرهش في حياتي قدهم»

هاجم الشاعر الغنائي أمير طعيمة، جمهور النادي الأهلي، بعد أن شنوا هجومًا عليه والإساءة له.

وكتب أمير عبر صفحته الرسمية بموقع التواصل الاجتماعي "فيس بوك" قائلا: "الناس كلهم عارفين إني مش أهلاوي ولا زملكاوي وإن كان احترامي للأهلي ككيان احترام كبير، وعشان تفهموا اللي هقوله كويس لازم تدخلوا على صفحتي الرسمية وتشوفوا تعليقات جمهور الأهلي المحترم على آخر بوست رغم إنه بوست فني".

وأضاف: "المختصر المفيد أنا حاليا ما بكرهش في حياتي قد الأهلي طالما ده جمهوره، هتقولي قلة؟ هقولك لا.. مفيش تعليق واحد يتوصف بالاحترام لا على فيس بوك ولا تويتر".

تابع: "بعلن ندمي واعتذاري لنفسي على أغنية نادي المبادئ اللي أهديتها للخطيب في حملته الانتخابية، اللي مش عاجبه الكلمتين دول يخرج من عندي عشان ما أخسرش حد على موضوع تافه".

اختتم حديثه: "ملحوظة مهمة أنا عمري ما اتكلمت عن الأهلي أو غيره بعدم احترام، بس طبعا ده كان ياما كان".

• أمير طعيمة
• الاهلي
• الخطيب
• جمهور الأهلي
• الأهلي
• النادي الأهلي
• أمير طعيمة
• الاهلي
• الخطيب
• جمهور الأهلي
• الأهلي
• النادي الأهلي