أدخنة المطاعم تصيب السكان بأزمات تنفس: احذروا أول أكسيد الكربون
أدخنة المطاعم تصيب السكان بأزمات تنفس: احذروا أول أكسيد الكربون
- أكسيد الكربون
- الأمراض الصدرية
- الجهاز التنفسى
- سحابة سوداء
- صحة الأطفال
- أدخنة المطاعم
- أكسيد الكربون
- الأمراض الصدرية
- الجهاز التنفسى
- سحابة سوداء
- صحة الأطفال
- أدخنة المطاعم
يُحرمون من فتح النوافذ، لا يستطيعون الاستمتاع بهواء نظيف، تحيط بهم سحابة سوداء لا تتوقف نهاراً وليلاً، مأساة حقيقية ومعاناة يعيشها السكان الذين يصادف سكنهم فى عقار به مطعم، حيث تتسبب المدخنة التى تضعها بعض المطاعم فى تسرّب الأدخنة إلى النوافذ، مما يؤثر على صحة الأطفال وكبار السن، خاصة من يعانون من الأمراض الصدرية.
{long_qoute_1}
«المدخنة موجودة بين عمارتين فى مكان ضيق جداً، يعنى الهوا كله طالع على الشقق، ولو حصل حريق، صعب حد يوصل لها بسرعة علشان يطفيها، ده غير أن الهواء أسود طول اليوم».. كلمات يردّدها محمد عبدالمولى، الذى يعانى الأمرين بسبب سكنه إلى جوار مطعم مشويات شهير، ورغم شكواه المستمرة لصاحب المحل، فإنها دون جدوى، ففى كل مرة يعده بالتدخل السريع وإزالة المدخنة التى يعانى منها السكان، لكنه لا يفعل شيئاً: «إحنا مش عارفين نفتح الشبابيك والمدخنة بتشتغل من 9 الصبح، وتفضل لحد بالليل، محدش عارف يتنفس، وطول اليوم الهوا أسود، ده غير أن فيه أجزاء من المدخنة اتكسرت وبقى يدخل الدخان بشكل أكبر، وده معناه أذى أكبر، وطبعاً أصحاب المطعم مكبّرين دماغهم، فاكرين إننا هنسكت، لكن أنا مش هاسكت علشان أنا ساكن فى الدور الأخير وبينى وبينها مش أكتر من 3 متر، وده خطر جداً».
المشكلة نفسها يعانيها أحمد عصام، بسبب مدخنة مطعم يقع أسفل العقار الذى يسكنه، والتى سببت له ولأطفاله مشاكل فى الجهاز التنفسى، لأنها تعمل طوال اليوم، ولا تتوقف سوى ساعات قليلة جداً، كما أنه لاحظ أنها أوشكت على التآكل والانهيار الجزئى، وهو ما يكثف الأدخنة المتصاعدة على الشقق المجاورة لها: «إحنا كأننا عايشين جوه المطعم نفسه، طول اليوم حتى واحنا نايمين شامين ريحة تخنق، والعيال على طول عندهم كحة بسبب الدخان، أنا مش ساكت، كل شوية أروح لصاحب المطعم يقول لى هابعت حد يصلحها أو يطولها شوية عن البيت، لكن مابيعملش حاجة».
الدكتور محمود السعداوى، أستاذ بقسم الصدرية بجامعة الزقازيق، قال إن أصحاب الأمراض الصدرية أكثر عرضة للإصابة بأزمات تنفسية: «الناس دول بيتعرّضوا للضرر بشكل كبير، الدخان المتصاعد مضر للغاية للمرضى وللأصحاء، وبيسبب الشعور بإرهاق دائم، لأن هذه الأدخنة تحمل غاز أول أكسيد الكربون».
