عمرو أديب: أتلقى اتصالات لتهريب آثار.. "بيقولولي انت واصل"
عمرو أديب: أتلقى اتصالات لتهريب آثار.. "بيقولولي انت واصل"
قال الإعلامي عمرو أديب، إن مباحث الآثار في المنيا ضبطت 332 قطعة لآثار فرعونية متنوعة، بينها 48 تمثالا، 3 منها لرمسيس الطفل وقرد البابون والمعبود أنوبيس، داخل منزل موظف بسكك حديد مصر، مستنكرًا، "الناس في مصر شغالة في الآثار نار، شغالين في الأثار والذهب".
وأضاف "أديب"، خلال تقديمه برنامج "الحكاية"، على قناة "MBC مصر"، أنه أحيانًا يتلقى اتصالات من البعض يقولون إنهم يملكون قطع أثرية يريدون تهريبها للآخر، وتابع، "فيه ناس فعلا بيكون معاها وفيه ناس بيتصلوا وخلاص، بيقولوا معانا الخبيئة أو الشكمجية، ودي مصطلحات في الآثار هما عارفينها، بيقولولي عاوزين نبعها وأنت واصل وممكن تعديها من المطار".
وأردف، "الناس بتنقب عن آثار، الناس بتكون نفسها، قضايا الآثار دلوقتي بقت أكتر من قضايا المخدرات، وأصبحت تجارة الآثار التجارة الأساسية للكثير من الشعب المصري، اللي بيتمسك ده 25%، وتقريبًا 75% بيعدوا ويسافروا ويبيعوا القطع الأثرية".
