إيهاب توفيق يتعاون مع أحمد شيبة.. وجمهوره: "الشعبي مش لونك"
إيهاب توفيق يتعاون مع أحمد شيبة.. وجمهوره: "الشعبي مش لونك"
قبل أيام، أعلن الفنان إيهاب توفيق، عن تجهيز مفاجأة غنائية جديدة للجمهور، وبعد مرور ساعات، أعلن عنها بطرح فيديو له يجمعه بالفنان الشعبي أحمد شيبة، عبر صفحته الرسمية على "فيسبوك"، يُعلنان من خلاله إنهما سيتعاونان في أغنية جديدة، تحمل اسم "عشمي في ربنا"، ومن المقرر طرحها خلال الفترة القليلة المقبلة.
تعاون "شيبة" مع "توفيق" أسهم في استياء شريحة من جمهور الأخير، لاسيما وأن هذه هي المرة الأولى له في التعاون مع فنان شعبي، وقالت "سمر": "إيه المفاجأة يعني في أحمد شيبة بالظبط!! هو مين اللي نجم كبير!!!".
بينما قال آخر: "مش وقته خالص ومش عارف هم الشعراء والملحنين اختفوا من حياة البوب ولا إيه، ليه متجه للشعبي مش عارف ومين ده أحمد شيبة مع احترامي لشخصه بس اللي بقصده قدّم إيه للفن، فين الناس اللي بيهمهم البوب بكل جدية يوقف معه ويساعده في اختياراته".
وقال "إيهاب": "مش حابب ولا متفائل بالديويتو ده، مش عارف إيه حكاية الشعبي اللي مسيطر علي تفكيرك ده يا بوب، يعني بعد ما فرحتنا بالقنبلة (مصلحتك)، الغنوة الكاملة المتكاملة، ترجع تعمل شعبي تاني وتفكرنا بجيت للدنيا الغنوة الشعبي أوي".
وأضاف "محمود البرعي": "يا إيهاب شعبي إيه ومفاجئة إيه مع شيبة ومين فيكم النجم ومش عارف إيه حكاية الشعبي يا ريت ترجع تختار أغانيك وكلماتك وتتجه شوية إنك تعمل ألبومات حلوة كلمات وألحان زي زمان من 2009 لحد دلوقتي داخلين على 10 سنين معملتش غير ألبوم واحد من سنتين يا ريت ترجع زي إيهاب بتاع زمان".
