بريد الوطن| بلبل أفندى
بريد الوطن| بلبل أفندى
بلبل وساب الشام وعشش عندنا
غنى لسمانا وأرضنا ولبحرنا
شرب من النيل اللى خالد ع الزمن
خلد تراثه وفنه وانتسبوا لنا
قالوا عليه الأطرش وودنه من دهب
تسمع نسيم الفجر وتعيده غُنا
يدخل قلوب المحزونين تفرح معاه
ويغنى للأفراح يشارك فى الهنا
الله عليه لما يغنى للربيع
تتفتح الأزهار وبيهل السنا
ركب بساط الريح ولف على العرب
حسينا بالوحدة اللى نابعة من هنا
فريد يا لحن الخلود دايماً بنادى عليك
عودك أمانة معانا علامة لفننا
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي:
bareed.elwatan@elwatannews.com
