رواج «العكاز» يرفع أسعاره فى سوق المستلزمات الطبية والصينى يكسب المصرى

07:56 م | الأربعاء 05 ديسمبر 2018

إقبال ملحوظ على شراء العكاز، المشاية، الركبة، بسبب أمراض العظام التى زادت فى الفترة الأخيرة، وهو ما يلاحظه العديد من الباعة فى منطقة قصر العينى، حيث تكثر محال المستلزمات الطبية.

«كله بيشتكى من الركب والمفاصل، من الكبير للصغير»، قالها سمير أحمد، صاحب محل مستلزمات طبية بشارع قصر العينى، الذى يلاحظ زيادة الطلبات من الشباب مقارنة بالسنوات السابقة: «بقولهم يمكن الأكل مش كويس زى زمان، فيه نقص فى الكالسيوم وضعف فى الجسم، الواحد مابقاش يقدر يمشى زى الأول، ويمكن شرب السجاير بيأثر».

{long_qoute_1}

أسعار «العكاز» و«المشاية» وكافة الأدوات الطبية التى تساعد على المشى ارتفعت مؤخراً: «غصب عنى، الأسعار كلها زادت، ده فيه تجار بيزودوا على البضاعة القديمة وده بيأثر على السوق كله». سعر العكاز الصينى 120 جنيهاً، المصرى 60 جنيهاً، المشاية الصينى 375 جنيهاً، أما المصرى فتساوى 70 جنيهاً، الكرسى المتحرك الصينى يتراوح سعره بين 900 و950 جنيهاً: «فرق كبير بين خامة المصرى والصينى، الكرسى المصرى تعبان جداً محدش بيشتريه، والمشاية الصينى صعبة جداً ومتعبة، والناس بتشترى وبتفاصل فى السعر».

يلاحظ حسام عيسى، صاحب أحد محال المستلزمات، أن الأكثر طلباً على الأدوات هى الخاصة بالعظام خاصة العكاز: «بلاقى شباب كتير بيطلبوه، كله تعبان وبيشتكى من العضم»، مضيفاً: «الوقفة الكتير وسوء التغذية والأكل السريع خلت الناس كلها تعبانة، حتى الشباب الصغير». يبيع «حسام» العكاز الصينى بـ100 جنيه، والكرسى المتحرك بأسعار تبدأ من 910 جنيهات: «ناس كتير بتيجى تسأل على الأسعار وماتشتريش، ولما الألم يزيد عليهم بيشتروا غصب عنهم.. هيعملوا إيه».

أكثر الشكاوى تكون من الركبة والفقرات، بحسب أندرو هانى، بائع بأحد محال المستلزمات الطبية: «الطلبات كتير، وعلى الصينى أكتر من المصرى على الرغم من أن العكاز الصينى أغلى بـ40 جنيهاً تقريباً».