سما المصري تهاجم ميدو بسبب رانيا يوسف: "اختشي على دمك.. ولا زعلان عشان صاحبتك"
سما المصري تهاجم ميدو بسبب رانيا يوسف: "اختشي على دمك.. ولا زعلان عشان صاحبتك"
لم ينتهِ الجدل الدائر حول فستان رانيا يوسف في ختام مهرجان القاهرة السينمائي بعد اعتذارها، وما زالت ردود الفعل تتوالى حول الواقعة ما بين مؤيد ومعارض.
وكان أحمد حسام ميدو من هؤلاء المدافعين عن رانيا يوسف، حيث كتب عبر حسابه الشخصي على "تويتر": "فستان رانيا يوسف وحش جدا بصراحة بس إنتم مال أبوكم هو عريان ولا لأ؟ هتنزلوا معاها القبر تتحاسبوا؟ والله والله والله 70% من اللي هاجموها لو شافوها هيبوسوا إيديها ورجليها كمان".
تعليق ميدو على الواقعة لم يعجب الفنانة سما المصري، والتي شنَّت عليه هجومًا شديدًا عبر حسابها على "إنستجرام" قائلة: "الكلام ده نازل على موقع الوطن على لسان الكابتن، لو كنت قلت كدة يبقى لا لا لا حاسب بس.. احترم نفسك في الكلام معانا أومال.. أنا واحدة بانتقدها يبقى مال أبويا؟؟ طب وإنت كمان مال أبوك؟؟".
وأضافت: "أنا حرة أنتقدها بمزاجي طب ما في ناس بتتنقدني أطلع أقولهم مال أبوكم؟؟ اختشى على دمك كل واحد له حق النقد طالما مابيجرحش في حد.. إيه هندبح الناس ونجيب سيرة أبوهم وأمهم علشان بينتقدونا؟؟ إنت عاجبك الموضوع ولا هي صاحبتك إنتم أحرار لكن هتجيب سيرة الأب والأم هنجيب سيرة أبوك وأمك ده لو انت قلت كده بجد؟؟".
وواصلت المصري هجومها على ميدو: "وبعدين بتقول اللى بينتقدها يتمنى يبوس رجليها، ليه يا حبيبي رجل شجرة الدر ولا إيه؟ أنا بانتقدها أهو بس ماعرفش بوس الرجلين، فى ناس تانية اللى تعرفه، ولو مفيش نقد ولا محاسبة لحد كلنا نمشى وهو بيكلم المصريين خلو عندكم دم شوية".
واختتمت: "بلاش التعالي ع الناس ده.. لبس زفت قلنا لبسها وحش.. ما كفرناش يعنى بتدخل الأب والأم فى الموضوع ليه بقى؟؟ عيب على اسمك وتاريخك تتكلم كده مع الناس.. أنت بتكلم بنى آدمين زيهم، أنت مش أحسن منهم، ولا على راسك ريشة يا سي كابتن انت".
