عمرو أديب: «الزمالك جابلي سكتة دماغية.. والله ما كنت شمتان في الأهلي»
عمرو أديب: «الزمالك جابلي سكتة دماغية.. والله ما كنت شمتان في الأهلي»
علَّق الإعلامي عمرو أديب على خروج نادي الزمالك من بطولة «كأس زايد» للأندية العربية الأبطال أمام نادي الاتحاد السكندري.
وقال «أديب» خلال حلقة السبت من برنامجه «الحكاية» على قناة «إم بي سي مصر»: «الفرقة اللي مبتسترش اللي ترفض إن إحنا نفضل فرحانين يومين وإننا نقعد شوية سعداء.. الفرقة اللي بترفص النعمة والفرقة اللي دايمًا فصولها صعبة».
وأضاف: «إمبارح جابولي سكتة دماغية وكأن مصر مفيهاش غير عمرو أديب والناس كلها بعتولي إنت كنت شمتان في الأهلي والله مكنت شمتان أنا كنت قلبي بيقطر دمًا».
واستطرد: «طبعًا أنا قاعد دلوقتي عنيا بتقطر دمًا ووداني بتقطر دمًا وشعري بيقطر دمًا والكرافتة الجديدة بتقطر دمًا».
واستنكر أديب إهدار محمود علاء لضربة الجزاء: «كله كوم واللي عملوا فيا محمود علاء كوم تاني لما راح شاط الكورة وضيع قلبي معاه ومش عارفين راحت فين وقاعدين بندور عليها لحد دلوقتي ومحدش عارف هي فين».
كان الزمالك ودع بطولة كأس زايد، إثر خسارته من الاتحاد السكندري بركلات الترجيح، بعدما انتهت مباراتي الذهاب والإياب بهدف لكل فريق.
