لقاء الخميسي لمنتقدي إطلالتها في "مهرجان القاهرة": "الفستان عاجبني"
لقاء الخميسي لمنتقدي إطلالتها في "مهرجان القاهرة": "الفستان عاجبني"
ردت الفنانة لقاء الخميسي، على منتقدي إطلالتها في حفل ختام الدورة الـ40 من مهرجان القاهرة السينمائي، عبر صفحتها الرسمية بموقع الصور والفيديوهات "إنستجرام".
وقالت لقاء: "مساء الخير كلامي النهاردة للناس اللي بتحبني من قلبها واللي أنا بحبها وبحترمها، الناس اللي كانت في منتهي الأدب في تعليقاتها عن آخر (لوك) ليا في ختام الدورة الأربعين من مهرجان القاهرة السينمائي، باحترم آرائكم اللي نابعة عن حب وخوف وبقدرها جداً".
وأضافت: "بحب أشوف نفسي كل مره غير التانية وده بنحتاجه كممثلين في أداء شخصيات مختلفة، وده معناه أني بحب أجرب كل اللوكات وببقى مبسوطة وفيه لوكات بتعجبني وفي لوكات لا، والحقيقة بما أني بحب الموضة وما يخصها فبتابع آخر صيحات الموضة، وفي نفس الوقت ممكن أحب لوكات قديمة بردو وتستهويني.. والحقيقة الفستان عاجبني جدًا وبحترم وجهات النظر المختلفة طول ما هي بتتقال باحترام وتحضر".
ووجهت لقاء رسالة إلى منتقدي إطلالتها، قالت فيها: "الناس اللي عندها إصرار على التنمر وإصرار على توجيه ألفاظ خارجة عن إطار التحضر والأخلاق والأدب والاحترام للأسف أحب أقولكم.. بصوا في المراية وعدوا من 1 لـ10 وفكروا بهدوء، للأسف مفيش أي فايدة عادت عليكم غير إنكم ارتكبتم غلط في حق نفسكم".
