مها سليم لرانيا يوسف: «المهرجان حدث كبير.. وخانك الاختيار المرة دي»

01:14 م | الجمعة 30 نوفمبر 2018

علقت المنتجة مها سليم، على الانتقادات التي تعرضت لها الفنانة رانيا يوسف بعد ظهورها بفستان مثير للجدل بحفل ختام مهرجان القاهرة السينمائي الدولي في دورته الـ40.

وكتبت "مها" عبر صفحتها الشخصية على "فيس بوك"، "عن تمثيلك مش هاتكلم علشان أنا بحبك كل ممثلة عن شخصيتك مش هاتكلم لأني بحبك، على المستوى الشخصي عن اختيارك هاتكلم أنتي خانك الاختيار المره دي".

وأضافت، "إحنا بنلبس كلنا مايوهات بنلبس كلنا قصير وعريان وكل حاجة من دي ليها مكانها ومحدش لي حاجة عندنا، لأنها حرية شخصية ومحدش من حقه يتدخل فيها لكن في حدث كبير يضم صناعة كبيرة في بلد هي القائد الأكبر والأهم في الشرق الأوسط للفن، يبقي هنا في قواعد" .

وتابعت، "لأنك نجمة عندك اللي بيحبك وبيقلدك وعندك اللي بيكرهك وما يصدق يلاقي لك غلطة لأن مصر كلها والوطن العربي بيتابع المهرجان، لأن أولادنا قاعدين قدام التليفزيون بيتفرجو علي النجوم اللي بيحبوهم، لذلك هنا بقي أقول لك خانك الاختيار وغلط في حقك كل شخص كان معاكي وقت تجهيز اللوك بتاعك وسابك تقعي في الفخ ده".

وجهت رسالة شديد لها، "أنتي لازم تقطعيهم لا يا رانيا ده مش إحنا ده مش لبس نجمه ليها جمهور بيحبها وبنات قمرات زي بناتك أنا ضد الكلام اللي بيتقال عنك من لحظة ظهورك، لكن ضد ظهورك بالشكل ده أصلا في المهرجان .. كل مكان وليه اللي يناسبه كل جنسية وليها اللي يناسبها أنت نجمة مصرية وأخيرا أحب أنصحك بالتفكير قبل ظهورك في أي تصريحات بعد ظهورك في المهرجان وأنك تدافعي وتستخدمي جمل زي حرية شخصية".