"يوميات فنانة عطلانة".. إيمان السيد: "نفسي في سيزون من أبو 80 مسلسل"
"يوميات فنانة عطلانة".. إيمان السيد: "نفسي في سيزون من أبو 80 مسلسل"
- موقع التواصل الاجتماعي
- إيمان سيد
- فيسبوك
- يوميات زوجة مفروسة
- موقع التواصل الاجتماعي
- إيمان سيد
- فيسبوك
- يوميات زوجة مفروسة
نشرت الفنانة إيمان سيد، عبر صفحتها الرسمية على موقع التواصل الاجتماعي "فيسبوك" قائلة: "كان نفسي في سيزون من أبو 80 مسلسل واشتغل في ثلاثة منهم.. واحد كوميدي وواحد تراجيدي والثالث أكشن وأروح وأجي قدام صحابي وأهلي وجيراني".
وأضافت إيمان تحت وسم "يوميات فنانة عطلانة" عدم مشاركتها في أي عمل فني خلال الفترة الحالية قائلة: "والناس يقولوا اللي عندها تصوير راحت اللي عندها تصوير جت، وأقعد مع المخرج المنفذ عشان يظبطلي الأوردر ويقولي أنتي معانا بكرا أقوله مش هاينفع أنا استلمت أوردر من التانيين فيبتسم ويقولي سيبيها علي الله أقوله ونعم بالله، وأروح تاني يوم آلاقيه مشتكيني في النقابة والنقابة تتصل بيا وتقولي عاملة مشاكل ليه يا إيمان والزملا يقولوا (اللي عاملة مشاكل راحت .. اللي عاملة مشاكل جات)".
واختتمت كتابتها بقولها "الناس يعرفوا أني اشتغلت فيطلبوا مني القسط أقولهم والله ما بنقبض، وأروح للإنتاج أطلب دفعة يقولوا مفيش أقولهم مش مهم أنا بس قبضوا المساعدة والمساعدة تقبض وتيجي تقولي مش محتاجة حاجة يا أستاذة فتصعب عليا نفسي وأعيط.. ياه كانت أيام حلوة".
