طبيب بيطرى ينتج أغنية للتوعية برعاية الحيوانات الأليفة

«لو حيوانك قاعد مخنوق ولقيته زهقان، إوعى تنفض أو تهمل فيه وتسيبه تعبان، أنقذ حيوانك الأليف».. أغنية ساخرة قدّمها محمود حمدى، طبيب بيطرى وفريقه الطبى، تهدف إلى الاهتمام بالحيوانات الأليفة وضرورة تقديم سُبل الرعاية والعناية بها، وعدم تجاهل آلامها وأصوات نباحها وموائها العالى، وضرورة الذهاب بها إلى أقرب عيادة بيطرية.

أظهرت الأغنية التى نشرها «محمود» على موقع التواصل الاجتماعى «فيس بوك»، العلاقة الطيبة والجيدة بين الحيوانات والمهتمين بتربيتها، وهى علاقة قائمة على الحب والارتباط الوطيد، ويعمل على تقوية روابطها طوال الوقت من خلال أغنية لهذه العلاقة: «الأغنية هى أقرب حاجة أقدر أوصّل بيها رسالتى للناس، وأن المربين للحيوانات دول مش شريحة قليلة، لأ دول موجودين كتير، ومن حقهم أن الحيوانات بتاعتهم تتعالج، وده مش دلع منهم، بالعكس دى حنية وطيبة، أنهم بيرعوا الحيوانات».

اختار «حمدى»، مؤلف ومخرج الأغنية، بعناية، من بين المهتمين بالحيوانات الأليفة حتى يقدر على إنتاج أغنية قادرة على التعبير عن هذه العلاقة الطيبة: «واحد من المتعاملين معايا فى العيادة عنده استوديو، اسمه محمد طارق، كتب لنا الأغنية وأخرجها، ومارضيش ياخد مقابل، لأنه عنده كلب، وفاهم قد إيه الحيوانات لها دور كبير فى حياتنا، ماينفعش نتجاهلها». تم إخراج الأغنية فى خلال 10 أيام، وحسب قوله: «رد فعل الناس كان غير متوقع، ابتدوا يسألوا عن العيادات، ويروحوا بالحيوانات، ويعالجوهم، بدل ما كانوا بيخبوهم علشان تريقة الناس، وفيه ناس كانت بتستخسر تروح تدفع فلوس فى العيادة»، حسب «محمود»، الذى رفع شعار «حيوانك يستحق الأفضل.. ساعدوه».

• طبيب بيطري
• الحيوانات الأليفة
• رعاية الحيوانات
• عيادة بيطرية
• حيوانك يستحق الأفضل
• طبيب بيطري
• الحيوانات الأليفة
• رعاية الحيوانات
• عيادة بيطرية
• حيوانك يستحق الأفضل