بالفيديو| "عشان يشتري دماغه".. صلاح السعدني يدبر "مقلب سقع" لأمينة رزق
بالفيديو| "عشان يشتري دماغه".. صلاح السعدني يدبر "مقلب سقع" لأمينة رزق
لا تخل حياة صلاح السعدني من الدعابات والمقالب بينه وبين أصدقائه الفنانين، ففي برنامج مشوار الحياة "راهبة الفن"، الذي أنتجه وأخرجه المخرج جميل المغازي، ويحكي قصة حياة الراحلة العظيمة أمينة رزق، حكى السعدني مقلب أوقع فيه الفنانة أمينة رزق أثناء سفرهم سويا لإحدى البلاد العربية.
وقال السعدني، "الست أمينة رزق كانت غاوية تنزل الأسواق، فاحنا لما بنسافر تحب جدا تنزل في يوم الإجازة تروح أماكن خاصة، مثلا السوق الهندي أو أرصفة بنجلاديشين، وتيجي سعيدة جدا لأنها اشترتها بأسعار رخيصة".
ومن هنا بدأ المقلب، إذ عين السعدني على أمينة رزق عيون لتخبره ما إذا اشترت قبل أن يلتقي بها في المساء.
وتابع صلاح السعدني "في مرة اشترت مكينة لصنع القهوة صغيرة كده بـ120 درهم، فمنتهى السذاجة لما قعدنا قولتلها أنا النهاردة جبت مكينة قهوة صغيرة كده، قالتلي صلاح مش معقول أنا جبت زيها، قلتلها لا بس أنا غلبوني في سعرها، فردت ليه أنت جبتها بكام، رديت عليها بـ40 درهم، فأصيبت بصدمة فظيعة، قالتلي دا أن جايباها بـ120، قلتلها وأنا اللي كنت فاكر إنهم غلبوني، يلا معلشي".
ولم ينته مقلب السعدني هنا، ولكن، بحسب السعدني، "تاني يوم عرفت إنها اشترت كلونيا كدا بـ12 درهم فجت بالليل وفضلت تقول للي قاعدين شم وكده يعني، فقولتلها أنا اشترين كلونيا قالتلي اسمها إيه فقولتلها نفس الاسم اللي هي اشترته، فسألتني بكام قلتلها بـ3 دراهم، فصدمت وقالتلي إيه دا أنا جايباها بـ12، رديت عليها معلشي نصابين، وبعدها بكام يوم اكتشفت الأمر فبطلت تيجي تقولي أنا اشتريت حاجة".
