"كنتوا جبتوا الشحات مبروك".. فنانون يروون ذكرياتهم المضحكة مع السعدني

06:49 م | الاثنين 22 أكتوبر 2018

يمتلك ملامح مصرية حادة ونبرة صوت قوية ومميزة، جعلته يدخل قلوب الجماهير بكل سهولة، يحرص على اختيار الأدوار الصعبة والمهمة والتي تترك أثر كبير في ذهن المشاهد وخاصة في أعماله التليفزيونية التي يظهر فيها صلاح السعدني بكل احترافية.

تعددت الذكريات الطريفة للفنانين مع السعدني الذي ولد في 23 أكتوبر عام 1943 وخاصة ابنه الفنان أحمد السعدني الذي شرب من والده المهنة، حيث يحكي في إحدى لقاءاته أن والده لم يوجه له النصائح قبل الزواج كما أنه ترك حفل زفافه عندما جاء محمود سعد: "أبويا ولا قالي أي حاجة يوم الفرح رماني في البحر، عملت فرح صغير عشان مش بحب الدوشة بابا عزم ناس قليلة أوي من أصحابه فأول ما جه محمود سعد أخده وطلعوا برا وساب الفرح والناس والمعازيم".

وقالت الفنانة سماح أنور، خلال استضافتها ذات مرة في برنامج "صاحبة السعادة"، "السعدني من الفنانين اللي عندهم لياقة عالية جدا وقوة زائدة ونشاط زائد جدا"، ثم حكت أنور عن إحدى المواقف مع السعدني خلال تصويرهم مسلسل "الحساب"، حيث جعل جميع فريق العمل في حالة ضحك.

وروت أنور الموقف، "المفروض أنا في مشهد واقفة والسعدني قاعد على كنبة فالمخرج هاني إسماعيل قالوا أستاذ صلاح بعد ما هي تقول الجملة دي حضرتك هتقوم من على الكنبة هتاخد خطوتين وتتلفت"، فسرعان ما قاطعه السعدني في الحديث ليرد عليه، "ثانية واحدة يا أستاذ مش كنتوا جبتوا الشحات مبروك جيبوا الشحات مبروك ما ده كده مسلسل أكشن".

واستكمل السعدني حديثه لمخرج المسلسل: "أنا دلوقتي قاعد على الكنبة وممكن ألف نفسي وأقول كذا كذا لكن أنا هقوم كده وامشي خطوتين واتلفت عشان اقولها نفس الكلمة اللي ممكن أقولها وأنا قاعد"، ووصفت أنور السعدني بـ"كنباوي".

فيما تذكرت يونس أثناء مشاركتها في مسرحية "باللو" عن موقف كان يحدث يوميا أثناء العرض، "المنتج عصام إمام كان عامل في التحية أننا بنطلع في صينية عالية أوي وبعدها صينية تانية وفي أغنية كل يوم بيحصل كده والسعدني كل يوم يمسك دراعي بيموته.. كان هيقع في إيده".

وأضافت صاحبة السعادة أن السعدني كان يقول حينها، "الأرض الثبات أنا بتاع الأرض أنا بتاع الثبات إيه اللي يشغلني في المسرحية دي إيه اللي مطلعنا لفوق كده أنا"، ووصفت يونس لسماح أنها كانت تتألم من ذراعها، "والله العظيم خلصت عرض أقسم بالله دراعي كان هيقع".