شامبو البيرة.. حل هندى للتخلص من مشاكل الشعر
شامبو البيرة.. حل هندى للتخلص من مشاكل الشعر
- شامبو البيرة
- الهند
- مشاكل الشعر
- شامبو البيرة الهندي
- شامبو البيرة
- الهند
- مشاكل الشعر
- شامبو البيرة الهندي
شكله ومكوناته لفتت الأنظار، فتحت نقاشاً موسعاً بشأنه على مواقع التواصل الاجتماعى، بينما رحب البعض به وأبدوا استعدادهم لتجربته، تخوف آخرون منه وانتظروا نتائج التجربة على غيرهم.
«شامبو البيرة»، طرحته هدير زكى، مسئولة أحد مراكز التجميل، من بين منتجات هندية للعناية بالشعر، باعتبارها الأفضل لحل جميع مشاكل الشعر: «معروف عن الهنود شعرهم الناعم واهتمامهم الدائم بالشعر، وقبل ما استورده من هناك، عرفت إن البيرة بتحتوى على فيتامين ب، اللى بيساعد فى نمو الشعر، كمان بيحتوى على البيوتين اللى بيمنع تكون قشرة الرأس، وبيوقف تساقط الشعر». بمجرد أن طرحت «هدير» شامبو البيرة، لاقت ردود فعل متباينة: «كل ما أعرضه قدام حد يستغرب جداً، ويبقى ما بين صدمته إن البيرة ممكن نستخدمها للشعر، ورغبته وفضوله فى تجريب المنتج»، مشيرة إلى أنها قبل عرضها للمنتج، قامت بالبحث عن معلومات ومواصفات مهمة للبيرة واستخداماتها للشعر.
وحول طريقة استخدام الشامبو، تقول «هدير»: «زيه زى غيره. بنغسل الشعر الأول بميّة دافية، ونحط الشامبو لحد ما يوصل لفروة الرأس عشان تتشربه، ونسيبه لمدة 10 دقايق، وبعدين نشطفه، ومش هيكون له ريحة خالص لأن أغلبه من الشعير». حرصت «هدير» على طرح المنتج بسعر متوسط يرضى كل المستويات الاجتماعية، ٦٠ جنيهاً للعبوة: «السعر مناسب، والنتيجة بتظهر بعد أسبوع من الاستمرار فى استخدامه، زى معظم المنتجات الهندية المتعلقة بالشعر».
