أشرف السعد: "مرتضى بيخاف ينام في الضلمة بسبب اللي عمله فيه زكي بدر"

07:17 م | الثلاثاء 02 أكتوبر 2018

قال أشرف السعد رجل الأعمال المصري المقيم في لندن، إن المستشار مرتضى منصور رئيس نادي الزمالك، تعرض لأهوال في المعتقل، على خلفية قضية "توظيف الأموال".

وناشد السعد المصريين بعدم التحامل على مرتضى منصور لسبب غريب، وقال خلال فيديو بثته صفحة "محبي أشرف السعد": "مش عايز الناس تتحامل كتير على مرتضى منصور، اللي شافه من اللواء زكي بدر كان كتير، كان مرتضى محشور في موضوع الفلوس اللي كانت في قبرص هو وفريد الديب، وكان اللوا زكي بدر قوي جدا، وكان لسانه زي مرتضى منصور بس بالحق".

وتابع: "مرتضى كان أيامها طالع في المقدر جديد وعايز يعمل كارت إرهاب للناس بعد قضية عادل إمام، وكان مرتضى مستشار شركة الريان، ومرتضى قدم طلب إنه يروح يجيب الفلوس اللي قبرص، فراح اللوا بدر معتقله، وقعد في السجن 6 شهور شاف فيهم أيام سودا، مرتضى نفى أي علاقة له بالفلوس، واللوا زكي بدر بلغتنا كده (حطه في أوضة الفيران)، عشان كده بتشوفوا عنده الحالة دي من الرعب اللي شافه، ولحد دلوقت بيخاف ينام في الضلمة، لازم يكون النور مفتوح، بيخاف زكي بدر يطلعله".