بريد الوطن| لدغة «سِتْ»
بريد الوطن| لدغة «سِتْ»
أنا حضنى خلاص بيخاف م الضم
ورميت كل مشاعرى الدافية
صندوق ف اليم
ولا عمرى هقول رُوحى و«قُصيه»
مستغرب ليه؟
فرعون جواك تمثال منحوت
وعصايتى مبتشقش بحرك ولا قادرة تفوت
وأنا مش كليوباترا ولا حتى إيزيس
لو عمر الحب مكنش طويل
مقدرش أنهى القصة بلدغة
ولا عمر دموعى هتخلق نيل
الحب جميل
إنما لازم وضرورى يموت
وانت اللى اخترت
وسمحت لـ«ست»
يقتل حبك والجايزة تابوت
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
