بريد الوطن| القمر تاه

اهربى يادى البيوت..

الصدى هيموت له صوت

والعلب مرصوصة رصة..

واختفى بينا البراح

والشفايف مش فراولة..

الشفايف لونها توت

والخجل كان لونه فاتح..

لونه عتمة ضلمة موت

والوشوش مليانة زحمة..

والحروب من أجل قوت

لسه صوت الحلوة ثومة..

هز خيط العنكبوت

اللى ف الشباك معشش..

صاحبه سافر م الضغوط

والقمر تاه فى الشوارع..

تحجبه أسرار بيوت

بندهك بالصوت يلالى..

والعلالى كاتمة صوت

والنفس فى الحارة كاتم..

انت داخل بطن حوت

لسه فاكر جى تسأل..

إحنا كَلنا الأخطبوط

جى تدوّر عن شفايف؟..

جوه حارة زحمة موت

انصراف للخلف دُرْ..

ليه تقلِّب فى الجراح

                                                          سامح لطف الله

يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي

bareed.elwatan@elwatannews.com

• بريد الوطن
• البريد
• خدمة البريد
• بريد الوطن
• البريد
• خدمة البريد